ثقافة وفنون

بموت وحدي …..ِشعر محمود يحيي

بموت وحدي ..
بموت معذور ..
مافيش فرصه أسدد باقي دين النور
وكل إيجار قديم مكسور
وآخر حلم شَفيته ف ورق زبده
وانا شايف من البلكونه في قلبي ..
صف طابور
عزا شاعر .. كله حريم
ماحدش عدى على قلبي
وفاته سليم
هنا إسود هنا إسود هنا حبة ودع ضايع
ومتغطي بغصن حزين
لأول وصل من قسط الهوى المعجون
ومتحني .. بختم جواز
ماليش إنجاز وحلم خرافه حب إن جاز
موسيقى الجاز بتحدفني ف وسط الكون
روايح جاز ..
بتشطبني بألم مكتوم
بموت وحدي
بموت مهموم .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق