الرئيسية / ثقافة وفنون / دنيا …..شعر أحمد طليس

دنيا …..شعر أحمد طليس

معرفش ليه إنت حبك جوه مني ؟
بصلاحية إنتهت !!
رغم إني جد كتير حاولت؟ 
تغيير تاريخ
وقلت أغش بتغيير تكت !!
معرفش ليه جوايا فجأة
الشوق سكت
والنبضة اللي كات فيا
زادت عن كل حد ؟
فجأة اتحجرت !!!
والهمسة اللي كات الشفة دايما ؟
فجأة اتبحترت !!!
والشاشة اللي كات جوا حلمي
تجيب لي صورتك ؟
برضو كمان إتكسرت .. !!
صورتك خلاص اتشفرت
باسوردك فنش
يعني الحياة من غير وجودك
مبقتش تفرق فية خلاص
يعني مهما تبعد أو تقرب
قلبي اللي عايش جوه مني
فجأة بقى حتة نحاس
كلها الصدى
واللهفة اللي كات على طول المدى؟
مبقاش لها فيا أساس
كات نخب كاس فجأة اتكسر
من قلبك الصخر وحجر
وبرغمي حبيتك نعم
ما أنكرش أبدا حبي ليك
ماكات عنيك دي دنيتي
واديك دي كات لي مخدتي
والنبض فيك ؟
أنا كنت دايما بأسمعه
والهمس اللي ع الشفة كمان ؟
أنا اللي كنت بأدلعه
لكن لقيت طبعك دا غير كل البشر
حتى العصافير ع الشجر
لامت عليك
وبرغم دا انا كنت ليك
راضي مكتوبي القدر
وسافرت فيك
مالقتش أنا جوه منك
غير أحضان سراب خالية الدفا
وضلوعي كانت فوق شراعي مكفكفة
حسيت ببرد الكون دا كله
برغم أنا بين إديك !!!!
طب أعمل إيه ؟
وانا اللي أعلنت اعتكافي جوه فيك ؟
وانت طبعك فيك ماليك ؟
طب أعمل إيه للجنازير والقيود ؟
مابقتش عايش ف الوجود
حاسس كما الأموات أنا
ستين سنة الفرحة تاهت ف القلوب
عاجزة تعود
محتاج معاجم وكتير تراجم
وقاموس لتفسير الوعود
الصبر جف ف أرضنا
ودبلانة أغصان الورود
بستاني أرضه شققت
كتر العطش
محتاج لترسيم الحدود
دنا كنت قاضي المحكمة
بكتاب قانون من غير بنود
والسهد صاحب وحدتي
والفجر وخيوطه شهود !!!
كان كل خوفي من السفر
لكن بقى مبقتش أخاف
ورحت شديت الرحال ؟
لبلاد وفيها محكمة تنهي الخلاف
لكن فشل
عراف لقيته عابر سبيل
قال مستحيل دا الطبع شاب
إزاي بقى هتغيره
يرجع شباب
لو حتى جني من الفانوس
بيطوف على كل النفوس
الطبع سوس
آكل كمان كل التروس
ياتموت بقهرك جوه منك ؟
ياتكمل الحلم الكابوس !!!
ازي بقى
وانا عاجز أصحى من المنام
مخنوق أنا
وتعبت من كتر الكلام
ف سلام ياعشقي اللي اصطفيته من البشر ؟
مليون سلام
ويا حلم عايشك في الكابوس ؟
لما أصحى منك وأللا أفوق؟
أوصيك بجد أكيد صحيح ؟
تبقى تديني تمام !!!!!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *