ثقافة وفنون

الوسية ….شعر أحمد طليس

يعني لمحة واحدة منك
كات سهام صابت عنية
سابني قلبي وراح لعندك 
سابني تايه جوه مني
والمشاعر فوضوية
أما روحي كات حكاية
لما فردت لي جناحاتها
كلي حسيتها ساعتها
حمامة طايرة ليكي غية
ولما زاد النبض فية
رحت سأله انت مالك
إيه جرالك؟
قال لي سيبني بإللي بية ..!!!!
أما ليل السهد عندي
كان وسية .. !!
راح بيعمل كام وليمة
للمشاعر
لما تبقى ف قلب شاعر
وجت له فجأة
وم المفاجأة راح يعافر
لما يلقى الشوق مسافر
والمسافة بعيدة جدآ
زي ومضة برق حارقة
لما تبقى حنين وفرقة
يعني فجأة جت وسارقة ؟
القلب مني غصب عني
وإترميت في التوهة وحدي
طب تفيدني بإيه يابعدي ؟
لما غاب النوم وسهدي
كل ليلة جه صاحبني
جه يسامرني
وأما يلقى دموعي سالت ؟
والأماني في نبضي مالت ؟
زي نخلة في الخريف
إلتقيته بيواسيني
زي مايكون لي وصيف
راح بيحكي
ف حكاياته لجل أسهى
لجل أنسى
أي نبضة قلب حاسة
جوه ألف ضفاف ومرسا
لما فجأة تاني إلتقيته
راخ وعاد فيلم المفاجأة
رحت اغمض عيني غفوة
إلقيتني برضو بأحلم
والتقيت الطيف دا سهوة
قال لي تسلم
قلت له تسلم ياطيف
بس جتني ؟
وانا ف فصل الخريف !!!!
كل نبضي جوه مني كان مبحتر ؟
كله مرمي ع الرصيف
يعني شمس غروبي هلت
يعني أنا في الدنيا ضيف !!
يعني مهما تجمعني أو فيا تطرح ؟
كل خطوة سراب في دربي
وإني وحدي
إللي مشيت كفيف !!!!
انت لسه ياطيف فاكرني ؟
قال لي فاكرك !!
جاي عاشق للحروف إللي ف مشاعرك !!
زي نورس فوق موجك ف بحرك
جاي أمد إليك إديا
مانت لية كتاب علوم
اقرأ منه كل يوم
لجل ازيحك من همومك
وأبقى عندك ضيف خفيف
بس أوع الدنيا مرة
تخلي قلبك ده ضعيف ….
شفتوا طيفى؟
شفتوا أجمل طيف عفيف ؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق