الرئيسية / ثقافة وفنون / باعترف لك …..شعر أحمد رجب الحسيني

باعترف لك …..شعر أحمد رجب الحسيني

بأعترفلك إنى كنت معاكى قاسى
وإنى كنت ف يوم أنانى
جوا حضنك كنت بهرب من همومى
كنت عايش بس فرحك
وابقى غايب وقت حزنك
كنت طول الوقت شايفك
ضحكه حلوه كاسره صمتى
أو محادثه تسلى وقتى
كنت أعمى فى بعدى عنك
لما كنت تملى شارد
وف مشاعرى بخيل وبارد
ولمشاعرك كنت جاحد
والنهارده القلب رافض
لو يعيش أيامه عادى
قلبى فاق الأعمى فاق
شاف فرح/أشواق/ أمانى
باعترفلك
إن حبى أقوى منى
وان برضه الوقت خانى
وإن ضعفى غصب عنى
وإن بعدك شئ كاسرنى
وانى قاسى وانتهازى
وانى كنت فى يوم انانى

تعليق واحد

  1. كلام جميل ورائع وبالتوفيق فى اللى جاى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *