الرئيسية / رؤى ومقالات / ( أصل الحكاية) يرويها : ربيع الحسيني

( أصل الحكاية) يرويها : ربيع الحسيني

فى الماضى ..بل ف الحاضر ايضا .. نقول اتفق العرب على ان لا نتفق .. دى حقيقه .. قوووم الشعوب العربيه فجأه قررت معاقبه حكامها وتتفق ان تثور فى توقيت واحد وعوقب الحكام … ما بين حاكم اتقتل فى ليبيا.. وحاكم اتشنق فى العراق.. وحاكم اتسجن فى مصر وخرج براءه بعد محاكمه هو وولاده.. وحاكم هرب فى تونس .. وحاكم اتحرق فى اليمن وبعدين قتلوه.. وحاكم اتنفخ فى سوريا .ولسه بينفخوا من 7 سنين.
وكل فرد فى الشعوب العربيه فرد الجلابيه عشان يجنى نتيجه الثوره ف بلده ..بص لقى كف نازل على قفاه بيقوله مستعجل ليه ؟؟ هو فيه ثوره بتجنى نتايجها على طول كده ؟؟ دى بتاخد سنين يابنى عشان تجنى الثمار..طب مين اللى هناك دول؟؟؟ لا متقلقش دول شويه عيال عاملين داعش .. احنا هنحاربهم متاخدش ف بالك .. وادى ياعم 13 دوله اهوتحالف يحارب لك داعش اللى عددهم ما يجيش تلاتين الف. بس لامؤاخذه يعنى هاتدفع ..معلش اصل مش هاندفع يعنى من جيب ابونا .. دى مقدرات شعوبنا وفلوسهم ..واتعلم يا عربى ان ( مفيش حاجه ببلاش )
طب الحق مخزون الدهب والبترول والاثار بيتنهبوا ف العراق
_ معلسى خبيبى كل الثورات فيها سويه خساير .. بس انا موس اعرف اثار
طب الحق بترول سوريا بيتسرق وبيروح لتركيا وبيتباع للغرب بملاليم .. والاثار بتتهرب
_ معلسى خبيبى الثورات فيها سويه خساير والغرب مووس اسال عن مصدر .. انت او غيرك بيع انا استرى . بس انا مووس اعرف اثار
طب الحق ثروات اليمن اغنى بلد عربى لم يستغل موارده اليمن السعيد صاحب اقدم حضاره واثار بيتنهب
_ دى موس مسكلتنا خبيبى .. الرجال فى اليمن مصمم البس جيبه بكرانيش رغم التطور .. ومصمم يكون فخور بالخنجر رغم التطور ف السلاح .. ثم احنا موس نتدخل فى يمينين اقتلوا بعض.. هما خورين خبيبى .. وانا موس اعرف اثار
طب الحق اقتصاد مصر بيضيع وهاتقع
-اهاااااااااا.. انا عملتوا الل عليا خبيبى .. خاربت بلدك اقتصاديا وثقافيا ومنعت عنها كل مصادر الدخل.. كمل انت جميلك معانا خبيبى
اعمل ايه يعنى ؟؟
_ بسيطه خبيبى .. انسر اساعات .. استم جيس بلدك .. انسر تويتات بالانجليس عن مناطق عسوائيه .. قول ان مصر موس امنه .. خاطب سياخ مووس ييجوا مصر .. قلل من اهميه قناه سويس .. استم رئيس .. امسى بين الناس نكد عليهم .. الناس لازم يخس ان موسس فيه فايده .. خاطب الخارج واستقوى به .اعمل فتن طائفيه .. اعزل الرئيس عن السعب وقول انه بيبع البلد .. سويه تفجيرات اعمل فوضى … قول الثوره مووس خققت اهدافها .. الثوره مستمره
طب الناس اللى ماتت فى كل الدول دى
_ اوووووووووه .. قدر ونصيب خبيبى انتى هاتكفر ولا ايه ؟
طب ليه يموتوا ؟؟
_ عسان غرب يعيس خبيبى .. انتوا عمرك سوفت فى اى بلد غربى اهل بلد يقتلوا بعض ؟؟
لا .. بس انت بتقول غرب يعيش .. يعنى سايبينا نقتل بعض عشان تعيشوا انتوا ؟
_لا خبيبى انت فخمتوا غلط انا عسان موس اعرف عربى باقول على العرب الغرب .. مووس نقطه يعنى اللى تغير المعنى خبيبى
_ طب عمرك سوفت خومار بيقتل خومااار ؟؟
لا
_خلاص يبقى انت كده فخمتوا يا خومار
طب والحل يا خواجه ؟؟
_ بسيطه خبيبى قول السيسى بيحارب الارهاب ف سينا عشان يديها للفلسطنين نضيفه
طب ماهو لو كان عاوز يعمل كده مكانش رفض تمليك الارض فى سينا الا للمصريين الفعليين غيرالمجنسين . وهو وزير دفاع لما مرسى حب يسلمها لحماس
_ اوووه خبيبى .. طيب قول سيسى امه يهوديه ..
منا قلت كتير يا خواجه .. بس ليه ؟؟
_ اوووه خوماار .. لاننا عارفين ان عرب اكره يهود صهاينه .. ودى موس اول مره خبيبى ,, ايخنا برضه قولنا ناصر امه يهوديه لما موس قدرنا عليه .. عشان عرب اكره ناصر ..انت قول كده عشان فتت الجبهه الداخليه ورا سيسى
طب لما فشلتوا بتكرروها ليه يا خواجه ؟؟
_ خومااااااااااااااار .. جيل زمان غير جيل دلوقتى .. والدليل .. ان جيل زمان بيخافظ على بلده..عسان موس كان فيه فيس بوك وتويتر ينسر اساعات.. جيل.. دلوقت بيصدق اى خاجه من على الانترنت .. فخمتوا ؟؟
لا مش فاهم .. طب يعنى احنا هناخد نصيبنا من الثوره امتى ؟
_ لما تفرط تاريخك واثارك وتقتل اخواتك
مش انت بتقول انا مووس اعرف اثار ؟؟
_ انا اقصد مووس اعرف اثار الهكيم خبيبى

تعليق واحد

  1. ربنا ما يحرمناش من قلمك يا أستاذ

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *