الأربعاء , ديسمبر 12 2018
الرئيسية / ثقافة وفنون / عاشق سكات .. قصيدة للشاعر :أحمد طليس

عاشق سكات .. قصيدة للشاعر :أحمد طليس

ولا عندي ذرة شك أن بكره جاي
بس هيعدي أكيد زي اليوم اللي فات
هيعدي فاضي حتي م الذكريات 
يادهري ياعاشق للسكات
دايما بتضحك ع إللي عايش
ولا لحظة راح تنى إللي مات
ولا يوم فردت الحلم الغيب لبكره
وأللا كتبت ف سطري كلمة سر مرة
تكشف لي مرة عن ميعاد حزن وآهات
الليل وبيعدي كما خيال المآتة ف كل غيط
والشمس في وسط النهار
ماشية جنب الحيط
والقلب مركون من زمان
محبوس في بوص تحاويط
والشوق كما العفريت إللي فجأة ظهر
النبض جوايا إنبهر
والهمس ع الشفة إنكسر
ولا فيه نجوم ولافيه قمر
والدنيا عتمة ف العيون
شفت الدموع علي كل لون
ومفيش رجوع
إبدأ تراتيل الآيات
كل السور
وإكشف رموز كل الطلاسم والبشر
إبدأ صلاتك وابدأ ركوعك وابدأ سجودك
وإبدأ خضوعك وإبدأ خشوعك
إبدأ وزيد ف الأدعية …. !!
————-
من ديوان : أنين الشهد والعلقم
للشاعر :أحمد طليس

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *