الجمعة , أغسطس 14 2020
الرئيسية / منوعات ومجتمع / د. علاء حمودة يكتب : طبيب القلوب .. مجدى يعقوب

د. علاء حمودة يكتب : طبيب القلوب .. مجدى يعقوب

”  Cardiomyopathy”    كانت مصابة باعتلال في عضلة القلبهنا كلارك ..  Hannah Clark

زي ما اتعودنا سوا في التبسيط، المرض دا أكثر أشكاله شيوعاً هو “تمدد عضلة القلب Dilated cardiomyopathy”.. يعني القلب “تمدد و اتسع” و مبقاش عارف يضخ الدم للأعضاء بنفس الكفاءة..

زي ما تكون جايب كرة تنس و ماليها مياه.. و عامل فيها ثقب.. لما بتضغط عليها بتضخ المياه من الثقب بقوة و كفاءة.. هات نفس كمية المياه و حطها في كرة يد.. و جرب تضغط عليها.. تلاقي الضخ بقى متخاذل ضعيف.. و الجدران رخوة متهالكة..

يعني عضلة القلب بتتدهور و تفقد وظائفها..

بيحصلل خلل في الضغط و تتراكم السوائل في الرئة.. بيرتفع الضغط و ينخفض النبض و يضيق التنفس..

المرض قاتل.. و قتل 509 ألف بشري في 2015

أسبابه.. العدوى الفيروسية أو الأزمات القلبية أو التدخين أو شرب الكحول.. مع أسباب أخرى العلم لسه مايعرفهاش.. و ممكن ييجي للأطفال.. و شائع في أول سنة

زراعة القلب هنا عملية فاشلة مالهاش لازمة.. لأن القلب الجديد مش حايقدر يتظبط بسرعة كافية و يتأقلم و يصدّ علي زيادة الضغط اللي من الرئة.. و بالتالي يفشل..

الحل ايه؟ بتتعمل عملية “اسمها piggyback”.. بيتزرع فيها قلب جديد “مع” القلب الموجود

الجراح بيحط القلب الجديد في الجانب الأيمن من صدر المريض جنب القلب المريض الموجود.. بعملية معقدة جداً.. و لازم غرفتي القلبين العلويين يبقوا مصطفين و متوازيين عشان الجراح يدمجهم مع بعض.. الدم بيوصل من قلب المريض القديم.. و يدخل للجديد.. اللي بيضخه للجسم كله.. و تكتمل الدورة

و القلبين بيدقوا سوا.. في وقت واحد.. كقلب واحد..

بعد ما يستعيد المريض عافيته و قلبه يخف يرجع طبيعي.. و يتخلص من السوائل في رئته.. و أو بعد بلوغه سن معين.. الجراح بينتزع القلب المزروع.. و يسيب قلب المريض المتعافي يكمل المسيرة

هنا” عملت العملية دي علي يد الساحر “مجدي يعقوب Magdi Yacoub” و مساعده الياباني الأصل “فيتكور تسانج Victor Tsang” وهي عندها ست سنين.. و أخيرا اتخلصت من القلب المزروع و هي عندها 16 سنة في 2009

فيديو للجراحة  .. رابط :      

 https://www.youtube.com/watch?v=QGtLYtOwtxA

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: