الرئيسية / كتاب وشعراء / نسيت إنى نويت ابعد…..شعر هاله عصفور

نسيت إنى نويت ابعد…..شعر هاله عصفور

نسيت إنى نويت ابعد
فزدت وصال
حنيني ليك
حنين زايد على حده
وشوق عمال على بطال
طب اعمل ايه
اسيبهالك تدبرها
بقدم رجل ف قربك واخرها
بخاف اغرق
يتوه الشط والمينا
يتوه المسك ف العنبر
وتظلمنا أمانينا
واقرب ليك اخاف اكتر
تدوب الميه ف السكر
ويحلو الجمال اكتر
ونتورط وتتلخبط خطاوينا
ويبدرني القلق حبات
واقول يارب عدلها
يتوه القلب ف رحابك
ويدمنها
يا كاتب أول القصة
هسيبهالك تكملها🤗

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *