الرئيسية / فيس وتويتر / نجلاء محمود السيد تكتب …. مش عاجبنى الإنتقادات الكتيرة لمهرجان الجونة فى دورته الثانية 

نجلاء محمود السيد تكتب …. مش عاجبنى الإنتقادات الكتيرة لمهرجان الجونة فى دورته الثانية 

بداية من إنتقاد ازياء الفنانات بوصفه عارى طب واحدة واحدة معايا هو حضرتك مش بتشاهد العرى دا فى افلامهم وحضرتك ساهمت بمشاهدتك انهم يبقوا نجوم؟ طب حاجة تانية مش الفنانات لازم تلبس احدث موديلات وماركات عالمية ودا طبيعى فى كل المهرجانات طب ايه الجديد اه انهم بيقولوا اسم مصممى الأزياء طب ما ده حقهم ولا زى ما البعض قال ييشهروهم لا بجد انتم مصدقين نفسكم؟ وهو لو هم مش مشهورين الفنانات هتعرفهم منين هتدور تنقب عليهم فى الشوارع مثلا وتغامر وتلبس منهم فى مهرجان!!!!!
وبعدين دخلوا على إنتقاد حضور نجوم مش بيحضروا مهرجانات اخرى وده يحسب لإدارة المهرجان والرعاة وده هيعمل منافسة صحية فيما بعد بين المهرجانات
ندخل بقى على نقد إن آل ساويرس بيعملوا دعاية لمشارعهم طب معلومة لحضرتك اللى اتصرف على المهرجان كان ربعه يعمل دعاية فى التليفزيون قبل الأكل وبعده وان كان ده حقهم دول رجال اعمال اولا مش من اهل الصناعة
طب ماتيجى نبص على الإيجابيات
مهرجان يعنى تنشيط السياحة لأنه بيقول ان مصر مستقرة آمنه يعنى بشجع المستثمرين يستثمروا فى مصر هى دى القوى الناعمة فى كل العالم تجند لمساندة بلدها
وفايدة كبيرة للمهرجان هى روح المنافسة بين المهرجانات اللى هيصب فى تقدم صناعة السينما نفسها
بجد انا كمصرية فرحانة بالمهرجان وبشكرا آل ساويرس وعلى رأسهم المهندس نجيب وسميح ساويرس وكل رعاة المهرجان
ملحوظة :
اللى هيعلق على العرى يبقى مفهمش البوست وبلاش نغمة احنا شرقيين والكلام ده وشوفوا لبس الولاد والبنات الأول فى الشوارع والعشوائيات
هدفى نفرح وندعم كل ماهو إيجابى تعالوا منستكترش الفرحة علينا من اجل النقد للنقد.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *