الرئيسية / ثقافة وفنون / شعر وشعراء / عطش السنين ، متغربين .. قصيدة للشاعر : شريف الجيار

عطش السنين ، متغربين .. قصيدة للشاعر : شريف الجيار

عطش السنين.متغربين.
يا مصر. و إحنا المشتاقين

ضغط الكفيل. مستحملين
شمس الأصيل. و مكملين.

لؤم الهنود. و يا النيبال . ومطنشين
والشغله لينا تبقى دايمآ شغلتين

والكل قالوا عننا
محوشين. و مكنزين

ولا حد عارف إننا
من همنا .مسافرين بدين

وهدومنا نتحايل عليها
لأجل ما تقعد سنين

نمرض مانرضى . نزور طبيب
ويداروا عنا اللى منا فراق حبيب

ونعيش كما الاطفال
نغمس اللقمه بحليب

لكن قريب. وفى علم غيب
نرجع بلدنا. مهللين و مكبرين

نروى اللى باقى ف عمرنا
من كدنا. ونرتاح يومين

****************************
تحيه لكل مغترب مصرى مخلص لبلده
أسأل الله العلى القدير
أن يردهم جميعآ. سالمين غانمين

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *