الرئيسية / إسهامات القراء / ماجده ماجد أبو شادي تكتب …..عينك_بترف_عشان_تحميك

ماجده ماجد أبو شادي تكتب …..عينك_بترف_عشان_تحميك

ف فيلم غزل البنات… نجيب الريحانى كان بيقول ل ليلى مراد، عينى بترف.راسى بتلف.عقلى فضله دقيقة ويخف😐 ،بعدها بشوية قالتله ،حاسس بإيه قول متخافشى؟ ،فقالها ،حاسس بمصيبة جيالى يا لطيف ياالطيييف😤😂

فى رحلة ف الكلية وروحت لمامتك وباباك عشان تقنعهم تطلع الرحلة روحت لباباك
أنت: ممكن اطلع الرحلة ي بابا
بابا: روح شوف مامتك هتقول اية
ماما: رحلة!😱لا انا عينى بترف بقالها يومين وقلقانة تروح يحصلك حاجة ولا تروح مترجعشى😳مفيش رحلات😌🙋

واضح احنا بنتكلم عن ايه (رفة العين👀) مين عينه مرفتش قبل كدة ؟! حاجة حصلت لمعظمنا وأصبحت معتقد شائع من زمان جدًا وموجودة عند شعوب كتيرة إن رفة العين وخصوصًا اليسرى هى نذير شؤم وبتدل إن فى مصيبة😶هتحصلك أو إنك هتفقد شخص عزيز عليك😱 وغيره ،أما رفة العين اليمنى فهى نذير تفاؤل😊🌸 وإن فى حجات حلوة هتحصلك أو خبر كويس أو فلوس جيالك ف الطريق

طب هل المعتقد دا صحيح ؟! الاجابة ..
لأ طبعا ملوش أى اساس من الصحة
طب هل له اساس علمى او طبى ؟! الاجابة ..طبعاا

جفن العين ما هو إلا عضلة زى أى عضلة فى جسمك بتنقبض💪 والل ممكن يحصلها خلل يؤثر على وظيفتها فيحصلها تشنج عضلى أو ما يعرف (برفة العي
وهى حركات لاإرادية غير مؤلمة ممكن تحدث ف ثوانى وتنتهى وعندها مفيش خطورة لكن لو استمرت لأسابيع أو شهور فهو دليل على وجود مشاكل فيها خطورة.

إيه هى أهمية رفة العين دى ؟!
-أكدت دراسة جديدة إن رفة العين (اغلاق العين وفتحه بسرعه) بشكل اوتوماتيكى ليس عشوائى لكن هدفه منع الاصابة بالعمى
-أفاد موقع(برس أسوسياشن) البريطانى أن إغلاق العين وفتحها أكثر من مرة بيمنع تحديق العين بشكل ثابت😮 فيجعل العين تتحرك باستمرار فيمنع فقدان البصر.

-وقال خبراء ان بحث جديد أظهر إن رفة العين مرتبط بالمنطقة نفسها من المخ المسؤولة لقراءة الصحف👀📚 ورؤية الاشياء المتحركة🏃 وهى (area 17و18و19).

-وتبين العلماء أن الهدف من هذه الحركة أيضا هو تحديث الصور على شبكية العين والإ فإنها ستختفى تدريجيا.

إية دا كله دا طلع الموضوع كبير ولا إيه يعنى طلع رفة العين دى حركة فسيولوجية بتحمينا مش نذير شؤم ولا حاجة

تعالوا نعرف أكتر بقى، إيه هى أسباب رفة العين؟

الاسباب البسيطة:

1-تناول المشروبات التى تحتوى على الكافيين بشكل مفرط 🍵لانها تعتبر من المنبهات التى تزيد نشاط الجسم.
2-الضغط العصبى وبذل المجهود والتوتر وقلة النوم😴.
3-جفاف العيون خصوصا بعد سن الخمسين لتناول بعض الأدوية💊 أو أرتداء العدسات اللاصقة👀.
4-سوء التغذية ونقص بعض المعادن مثل الماغنيسيوم.
5-التدخين🚬 و شرب الكحول🍸🍷و خدش القرنية و إلتهاب القزحية و الحساسية ضد الضوء🌞.

الاسباب الخطيرة

1-شلل بيل.
2-خلل التوتر ف عنق الرحم والذى يسبب تشنجات عضلية غير متوقعة ف الجسم.
3-خلل التوتر😧.
4-اضطراب التصلب المتعدد.
5-تناول الأدوية المستخدمة لعلاج الصرع والذهان💊.
6-حالة Parkinsonism الذى يسبب الرعشة ورفرفة العضلات.
7-متلازمة توريت والتى تسبب حركات لا إرادية ف العضلات والتعثر ف النطق.

طب إيه علاج الرفة ؟
1-إلتزام الراحة والنوم بشكل أفضل💤😪.
2-تقليل تناول المشروبات التى تحتوى على الكافيين.
3-التدليك الخفيف للجفن المتضرر.
4-كمادات باردة حيث تعمل على تقلص الشرايين وسحب الدم بعيدا عن العضلات حول العين وتخفيف حدة الرفة.
5-قطرات للعين💧 تخفف الاحمرار والحكة أو حقنا مخدرة💉 تسبب شلل موضعى للجفن (وذلك باستشارة الطبيب طبعا🙋).

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *