الرئيسية / ثقافة وفنون / شعر وشعراء / يالا بينا تانى نرجع صغيرين  .. خواطر : ربيع الحسينى

يالا بينا تانى نرجع صغيرين  .. خواطر : ربيع الحسينى

يللا بينا تانى نرجع صغيرين
واجرى اشدك من ضفايرك
وانتى تبصى بنص عين
ارجع لك قوام اصالحك
ببوسه دافيه بين العينين 
يلا نلعب اللعبه القديمه
يللا ننسى الدنيا اللئيمه
انتى تبقى عروسه حلوه
واسميكى فى الحدوته غنوه
ويللا بينا نشطح بالخيال
م التراب نعمل اوضه لينا
واوضه تانيه للعيال
والسرير حته قماشه او شوال
والهدوم من ورق نرصصه جوه الدولاب
واوضتنا ورد بمبى
والباقى نقصصه يبقى باب
ولما تحسى انك جعانه
اعجن لك الطوب بالتراب
وتقولى لى فين الغموس
حعمل انى رحت شغلى اجيب فلوس
ولما ارجع اخدك فى حضنى
والقى قلبك م الضلوع دايما حاضننى
واصحى م الحلم
القى نفسى لسه بحلم
بس الحلم بحسه بيكى بيبقى علم
ورغم كل البعد
حنا برضه قريبين
ولما تيجى ليكى وعد
نلعب تانى م البدايه
زى ما كننا صغيرين

تعليق واحد

  1. رائعه 👏👏👏👏👏👏👏

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *