الرئيسية / كتاب وشعراء / شخابيط  ….شعر : جمال الشيمى

شخابيط  ….شعر : جمال الشيمى

( 1 )
قال لك إيه
( هى أشياء لا تشترى )
يابن المره
ممكن يرى
لما يكون الجيب عمران
والنسوان
عينها ب تاخدك بالأحضان
وتحس انّك يوم إنسان
يبقى ازاى هى لا تشترى
جاتك خره
من قدام كان أو من وره
( 2 )
قال لك إيه
( أشتاق إلى خبز أمى )
طب روّح نام
أمك ست من الإكرام
نامت وارتاحت فى الزير
والغتره وقعت ف البير
والقدس هروها الخنازير
آه يا أمير
فى الشعر السايح ألحان
وف قلبك طارح نسوان
يـ بْضان
بتفكر علميًا فى الخبز
ولبن الأم
أمّا حدود كل البلدان
مش محتاجه ل طرف لسان
محتاجه يا جعلص لحصان
وسنان
( 3 )
أوعى تنام وتطفى الضىْ
الخى التايه يمكن راجع
ماهو برضك خىْ
حتى ان راح مش جىْ
يااااااه لا الصبح ب ينفع نوره
ولا توب الليل بيدارى الغم
اليحر خلاص انداس
واهى كل عيون الحبيبه سابوه
نطروه م الفكر العاشق والواهم
واهو شال الهم
واتلم
جوه ضفاف الحزن
ولا مد يحن عليه
ولا جزر
والموج غرقان
زىّ الطفل إيلان
( 4 )
مافضلش منّك غير تعب
ياشمس بتخبّى الدفا
وتدارى نورك عالغلابه المطحونين
ايه فايدتك والكون صبح طعم المرار
والإنتظار للموت سبق حلم الأمل
ياطيّبه …
شرف الولد أصبح مباح
كل الطرق بتودّى عالبحر الغريق

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *