الثلاثاء , يناير 22 2019
الرئيسية / كتاب وشعراء / على مدد الشوف … بقلم فيروز النجار

على مدد الشوف … بقلم فيروز النجار

على مدد الشوف
ضحك و دموع وأمان وخوف
واقِف مـ بين اربع مفارق
لا تطٌول مغارب او مشارِق
محتاره روحَك بِين/ وبِين
——-
مبقتش عارف سكّتك بتودّى فين !
ريّحنى من نار السؤال بين عين/ وغين 👈 ( عوده وغياب )
——
من كام شِتا / من كام ربيع / من كام خريف
و يهلّ صِيف مليان حنين
——-
بصمِة دموعك شقّقت فوق الجِبين
رسَمْت قلبك فـ المدايِن عـ الحيطان
علّقْت روحك عـ الشجر فوق الجناين والغيطان
رسمت عٌشب بيِنحِنى نباتٌه من وحى الشيطان !
والأصل طين !
——–
ملجأ لعِين
ايه اللى جابرك عـ الشقا !
طب ايه بقا !
الحلم ضاع وملوش وجود ؟
رغم السدود
كل امّا بجزع / امَلى فيك حالِف بإنه فـ يوم يعود
——-
انا مين وفين
و صٌوتى دابِل فـ الخلا وملوش دليل
ونهارى ناعِس فـ الفضا ومفيش بديل ؟
غير خوف وليل !
يادى الأنين
——–
مستنّى مين ؟
مستنّى صاحب من زمان و مـ شٌفتهوش ؟
وعَدَك كتير فـ كام مكان و ملْقِتوش
مستنى واحد قلبه باعَك ولا خان
مستنى ناس عشرتها هانِت من زمان
دا مرض لعين
محتاج لـ حٌقنة انسولين
——-
شدّاك روحين ؟
مستنّى امك ولاّ ابوك ؟
وهما فين ؟ تحت التراب راحو وسابوك ! 💔
الله يعين
——
حٌر و سجين !
طب ليه كدا ؟
شايل فـ قلبك كل دا
مستنّى ايه خلاك تكون بين دا / و دا
تبّت ليه فـ خيط مربوط بالذكريات
جرجرت قلبك للتابوت وطقّ مات
شايلتٌه دِين
——–
و الرد دِين
الحزن قادر يسحِلك ويدوس عليك بالدبابات
فـ انسي اللى ظلمك واللى باعك واللى فات
لو حتى مِتعاد عـ الشاشات
فـ الله يقين
—–

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *