الرئيسية / كتاب وشعراء / موال … شعر ناهد الموجي

موال … شعر ناهد الموجي

موال
…….
حبيبتي يا اللي الكلام الحلو بيهزك
الديب بغدره عمره ما يعزك
يا ليل يا عين

جالي الحبيب خبط علي بابي
زرعلي حنة وبعترها علي عتابي
وقال بحبك كتبها بإيده ف كتابي
يا عين يا ليل
قالي تعالي يا ام لون خمري
طفي لهيبي واشعلي جمري
انتي الجميلة ف سنين عمري
يا ليل يا عين
بعتر ضفايري علي ضهري
قطف بإيده فلتي وزهري
ف الفجر يتوضي علي نهري
وف المسا يشرب عبير خمري
يا ليل يا ليلي
بعتر ضفايري وراح
إتبح صوتي وناح
فينك طبيب الجراح
ياليل يا عيني يا ليل
بعتله مرسال ورا مرسال
حلفته يرجع م الهموم يشتال
الصمت بيني وبينه صد وحال
يا ليل يا عيني
يااا منادي لف الحواري كلها ونادي
قول لعنة الله علي اللي يخون وبيعادي
ياااااليل يا عين

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *