الثلاثاء , يناير 22 2019
الرئيسية / كتاب وشعراء / وحشتيني يا أمي … شعر صبري رسلان

وحشتيني يا أمي … شعر صبري رسلان

وحشتيني يا أمي
………………….
الدمع زاد عالخد
ولا حد حس بحد
غاب الحنان والود
تاه عمري بيا
كنتي الأمان والسد
وحلم ليل له غد
وشمسي اللي جايا
محرومه ليا زمان
من قلب دافي حنان
حضني اللي كان له مكان
تايه ليه بيا
سيبتيللي عمري دموع
وقلب لفراق موجوع
ضل الشجر له فروع
وأنا وحدانيا
للاآآآآه تخفف شوق
ولا عمر قلبي يدوق
بعدك هنيه
بحلم وأقول هتعود
ترجع تخضر عود
عايشه .. لا حاسه وجود
فالدنيا ديا
لا صبر رد لي روح
ولا كان علاج لجروح
بيتنا اللي كان مفتوح
هجروه اللي ليا
وانا .. وحدانيا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *