الرئيسية / فيس وتويتر / أحمد الجعفري يكتب ….دستور_مايُحكُمش 

أحمد الجعفري يكتب ….دستور_مايُحكُمش 

=زمان ييجي من مِية سنة كده وزيادة … بريطانيا حبّت تحسّر تركيا على مصر .. راحت عملت حاكم مصر حسين كامل سُلطان … زيُّه زي اللي هناك في اسطنبول ،،
=ولمّا جِه اخوه السلطان فؤاد ، وزاد الشعور الوطني حَب يحسّر بريطانيا على مصر .. راح عمل منصبه مَلِك … زيُّه زي اللي هناك في لندن ،،
=الوعي المصري كان عالي جدًا … والمصريين شافوا ان الأمم المحترمة هي اللي بتعمل دساتير تحكمها وتحترم أحكامها … عشان كده عملوا دستور محترم سنة 1923 ،،، ولما الدستور يحكم يعني مفيش شيخ دين ولا عسكري يتحكم في حياة الناس ،،
=الغرب اللي هو بريطانيا وفرنسا وقتها خافوا تقوم قيامة التحضر جنوب المتوسط ،، يعني مصر هتبقى دولة دستورية ومحترمة والعدوى تتنقل للدول اللي حواليها !! .. طيب ازاي وهُمّ عاوزين يزرعوا الكيان الصهيوني في المنطقة ،، وعاوزين البلاد دي تفضل عاجزة وتابعة ؟؟؟؟؟
=يبقى الحل نسَلّط ع الأمم دي اكتر ناس تكره الدساتير وتكره التحضر وينفع تزرع وسطهم سرطان الصهيونية … مين يا ترىٰ يا هل ترىٰ ؟؟؟ … المتأسلمين والعساكر … هُمّ دول اكتر ناس تكره الحرية والديمقراطية والدستور والتحضر !!
=هوووووب راحوا اشتروا عيِّل طموح اسمه حسن البنا وخلُّوه عمل تنظيم وسِخ اسمه الاخوان المسلمين 1928 ،،، والمرحلة التانية حصلت بعد اربع سنين من اعلان دولة اسرائيل لما حصلت الحركة المباركة في مصر سنة 1952 ،،
=ومن يومها بطلنا نقول ديمقراطية ، احزاب ، تعليم ، حرية ، تقدُّم ،،، وبقى كل كلامنا هو حرام ، جهاد ، حجاب ، شريعة ، حلال !!
=ومن يومها لدلوقت لا بيعيش لنا دستور ، ولا عارفين نعيش زي الامم المحترمة !!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: