الإثنين , سبتمبر 16 2019
الرئيسية / ثقافة وفنون / رؤية عن مسلسل زي الشمس بقلم/ منى ياسين

رؤية عن مسلسل زي الشمس بقلم/ منى ياسين

 

لي بعض الملحوظات أهمها: اسمه! هو إيه ده اللي زي الشمس؟
– فيه مشهد سيف بيحاول يكلم نور قدام بيتها فهي بتخبطه بطوبة على دماغه السؤال هنا حارس الأمن كان فين؟ مش منطقي كل ده يحصل وهو موجود ومش منطقي برضه إنه مايكونش موجود.
– السلسلة اللي كانت لبساها فريدة يوم ما اتقتلت.. المفروض انها وقعت منها وهي خارجة من البيت وسيف أخدها.. بعد كده بنشوف إن فريدة كانت لابسة سلسلة تانية وهي بتتقتل!!
– الناس اللي قالت إن يوسف ابن مصطفى! ده جبتوه منين؟
– مشهد فريدة مع يوسف في آخر المسلسل كأنها رسالة تخلينا مانتعاطفش مع فريدة ومش شايفة له مبرر.. حتى فكرة إن مصطفى ابنه مش منطقية.
– فريدة لما عرفت إنها حامل في مصطفى راحت لعمر وعرفته علشان يرجعوا لبعض.. السؤال هنا إزاي هتبقى حامل منه وهما متخانقين ومطلقين ومش طايقين بعض!! حتى لما أظهروا إنها عملت معاه علاقة قبل ما تتقتل رغم كل اللي كان بينهم من مشاكل وانفصال وخناق برضه ما أقنعنيش.
فيه مشاهد أثرت فيا منها
– أول مرة عمر يكلم نور ويطلب منها يتقابلوا بره يشربوا كوفي فهي ترد بتلقائية إنها مابتشربش الكوفي فأختها جنبها تبص لها وتضربها فنور تغير كلامها وتقول آه ماشي موافقة ?

– كان طول الوقت فارق معايا أوي نور وإحساسها بولاد أختها التوأم وإنهم كان المفروض يكونوا ولادها هي لو بس كان أبوهم استنى إسبوع واحد.
-رفع الألقاب بين العيال وأمهم جدتهم وخالتهم ومصطفى هو آه طالع موضه لكني مش مستسيغاه.
– انتحار عمر في النهاية مالوش مبرر.. إيه اللي حصل يعني هو كده كده ماكنش هيحصله حاجة غير شوية شوشرة وهتعدي بس واضح إنه كان مضغوط عصبيا لدرجة خلته مايستحملش أي تهديد.
– مشهد نور وهي بتجهز شقتها مع أختها وصاحبتها.. أختها الأكبر منها بخمس سنين ولسه ما ارتبطتش وصاحبتها المخطوبة اللي فاقدة الأمل إنها تتجوزه قريب.. يعدي 13 سنة وتبقى نور لسه ما اتجوزتش، وصاحبتها اتجوزت وبقت أم، وأختها اتجوزت خطيبها وخلفت 3 واتقتلت.
-اعتراف الأم إنها كانت بتفرق بين بناتها وأنها كانت متوقعة إن فريدة هي اللي هتشيلها لما تكبر لكن لقت إن نور شايلاها من ع الأرض شيل وده حسسها بالذنب.
-كان مشهد عالي أول لما نور بتقول لعمر إن مصطفى مش ابنك وهو بينهار وازاي وماتجيبيش سيرته وانا عندي اتعدم بس ماتجيبيش سيرته.. شخصيا أثر فيا أوي وحسيتها جدعنة مش لايقة عليه بس حبيتها.
– كان عندي إحساس إن هو اللي بعت لنفسه رسالة من تليفون فريدة.
-علاقة الأم بصاحبتها علاقة حلوة أوي، وعلاقة زوجة حسن بأمها علاقة حلوة أوي ، وعلاقة حسن بنور وأنه واحد من العيلة علاقة حلوة أوي برضه.

النهاية مُرضية، لم تكن متوقعة.
المسلسل جميل ومثير

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: