الإثنين , أكتوبر 21 2019
الرئيسية / ثقافة وفنون / مابين حرب كرموز والخليةأفلام مصرية تظهر معاناة الشرطة بقلم/ منى ياسين

مابين حرب كرموز والخليةأفلام مصرية تظهر معاناة الشرطة بقلم/ منى ياسين

 

فيلم حرب كرموز إنتاج 2018
عدد الممثلين فيه كتير رغم قصر أدوارهم، تحس إن الفيلم عايز يقول حاجة عميقة ومعظم المشاهد ضرب وكر وفر لكن في النهاية بتلاقيه عادي يعني.. نهاية منطقية لفيلم عربي.
أمير كرارة هو البطل الرئيسي وبقية طقم التمثيل كله مهما كانت أسمائهم كأنهم كومبارس.
محمود حميدة دوره كان تقريبا صامت مانطقش غير بجملة أعتقد إنها زي شتيمة كده “أمك صاحبتي” وده إداني انطباع إن الفيلم مسروق من فيلم أجنبي والجملة دي بعد ترجمتها بالمصري.
كأن رسالة الفيلم إن علشان ظابط بريطاني ممكن يعملوا حرب على قسم كامل ويقتلوا كل اللي فيه ويتهموهم بالخيانة العظمى كمان.

فيلم الخلية إنتاج 2017
فيلم جميل، أحداثة منطقية وأداء شخصية الظباط كان رائع سواء من أحمد عز أو من محمد ممدوح.
تخلله لبعض المواقف الكوميدية أضاف له نوع من المصداقية المحببة، رسالة الفيلم كمان جميلة وفكرة الجهاديين اللي بيفجروا نفسهم اعتقادا منهم إنهم بينصروا الدين وإنهم مغيبين عقليا لإن أهداف اللي بيوجههم إنه بس ياخد فلوس مش أكتر.
الإرادة والتحدي خلت الظابط يتعافى بسرعة ويرجع زي الأول
الفيلم مدته ساعتين ونصف لكنه غير ممل وأحداثه شيقة والتمثيل جميل.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: