الرئيسية / ثقافة وفنون / شعر وشعراء / وليه انت بقى بالذات………………………شعر ناهد الموجي

وليه انت بقى بالذات………………………شعر ناهد الموجي

 

 


وليه انت بقى بالذات؟
بتسكن جوى وجداني
ومستوطن ف شرياني
ولو لحظة ميعادك فات
أفتش ليه عليك تاني
وأخاف لو لحظة تنساني
سنين مرت..وانا مرات
أقول بكره هتلقاني
تحن لصوتي وحناني
تشوف إسمي على الصفحات
تحس حرارة الدمعات
تقول سامحيني انا الجاني
⚘⚘⚘
س/⚘
وليه انت بقى بالذات
ملكت صبايا وشبابي
ولو غيرك علي الباب بات
لا يمكن يتفتح بابي
وبستعذب معاك البعد وعذابي
⚘⚘⚘
س/⚘

وليه انت بقى بالذات؟
لأنك مالك الأيام
حلمت معاك بألف منام
غرقنا وعومنا ف الأحلام
ولا يوم ف الهوى تبنا
وشرقنا وغربنا
ورحنا بعيد وقربنا
وعند الشط جربنا
نحول همسنا لكلام
⚘⚘⚘
س/⚘
وليه انت بقى بالذات؟
ساكني ف صحوي ومنامي
وإسمك لازمة ف كلامي
ج/? عشانك سر إلهامي
معاك إحساسي ف تسامي
⚘⚘⚘

ولو تسألني ليه بالذات؟
ج/? عشان عمري اللي قبلك مات
بقيت انت اللي باقي وآت
وبستناك مع الجيات
وطعم المر حلويات

يا مالك حلو أحلامي
وساكن كل أيامي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: