الرئيسية / إسهامات القراء / نيفين بطرس تكتب ….مصر إللى كانت زمان.

نيفين بطرس تكتب ….مصر إللى كانت زمان.

فى فيلم آخر كدبه سنه 1950 وكان من إنتاج فريد الاطرش وبطوله ساميه جمال ..

كان فى الفيلم اغنيه أسمها ( ما قالى وقولت له ) من تأليف ابو السعود الابيارى وتلحين فريد الاطرش .

رفضت الاذاعه المصريه .. إذاعة الاغنيه لما فيها من عبارات بذيئه كان فيها عبارة (يا عوازل .. فلفلوا )

ويقال ان النحاس باشا رئيس وزراء مصر وقتها وزعيم حزب الوفد ..لما قابل فريد فى أحد الندوات .. وبّخه بشدة وأظهر استياءه من المستوى الركيك إللى وصل إليه الفن المصرى يا لهوى …

وفكّرة بواجب الفنان فى الحفاظ على الذوق العام .. والارتقاء بالمستوى الفكرى والحضارى

 يا لهوى .. برضه

هل احنا مستوعبين … كنا فين .. وبقينا فين

فى الحقيقه ..الهزيمه الحقيقيه . هى مش هزيمه منتخب كرة قدم أو خسارة بطوله .. بصراحه احنا مهزومين من جوانا

       …..أيوة….

 اتهزمنا…. لما اتخلينا عن معالم مجتمعنا

اتهزمنا ….لما سلمنا عقولنا و إرادتنا لظواهر غريبه عننا

اتهزمنا ….لما بقينا نجمع أضخم الأموال لبناء الكنائس والمساجد

ومفيش قرش واحد للبحث العلمى … وتقويم العلماء

اتهزمنا …. لما بقينا نصفق للفن الهابط .. وتدفع الآلاف الجنيهات لحضور حفل ..وسماع مطربين دووون المستوى

اتهزمنا …. لما بقينا نصدق .. اى كلام يتقال وأى فن يتعرض

اتهزمنا … لما سبنا الشياكه والأناقة .. وبقينا كاجول

..لا احنا عارفين نواكب التقدم .. ولا عارفين نحافظ على إللى عندنا .

وللأسف هتفضل الملامح الجميله وهيفضل الرقى ذكرى ……

فى مصر إللى كانت زمان…..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: