الإثنين , سبتمبر 16 2019
الرئيسية / أخبار الرياضة / حسام سعد يكتب …..هل شيكابالا اسطورة كروية…..هل عقلية شيكابالا أدت لما وصل اليه؟

حسام سعد يكتب …..هل شيكابالا اسطورة كروية…..هل عقلية شيكابالا أدت لما وصل اليه؟

قبل ما اجاوب على السؤالين دول باستفاضة نشوف التصريحين دول:
جوزية: شيكابالا وهو بيلعب بيكون فيه فريق 10لاعيبة وهو بيمثل فريق لوحده ودا مبيعملوش ميسى ورونالدو ونيمار وسواريز.

ابو تريكة: شرف ليا انى اتقارن بشيكابالا

اجابة السؤال الاول:
لو الاسطورة بالبطولات فحسام عاشور هو اسطورة الكرة المصرية
ولو بالاهداف يبقى الشاذلى وحسام حسن هما اساطير الكرة المصرية
ولو بالمهارة والحرفنة يبقى شيكابالا
ولو بالوصول للعالمية يبقى صلاح
ولو بالاعب الاكثر تكاملا يبقى تريكة والخطيب وحسن شحاتة..
…………..
فكل واحد يقدر يحدد اتجاهاته.. انا رايى اللى ملوش لازمة واللى مبفرضوش علي حد انى بتفرج على الكورة للمتعة فقط مش هتفرق كتير معايا دا خد عشروميت بطولة ودا مخدش.. بالاضافة ان البطولات دى مش مجهود لاعب فقط فلو انت افضل لاعب ف الكون مش بالضرورة فريقك هياخد كل البطولات..
فانا بحب شيكا لانه ممتع ومختلف وصعب تتوقعه بخلاف مهارات غير عادية والسرعة والتسديد القوى والعرضيات وصناعة الفرص المتقنة.
ودا مش معناه ان شيكا ارقامه عادية.. لا طبعا شيكا شارك فى احراز بطولات كتيرة واهداف كتيرة وهو و ابو تريكة حاليا متساويين فى عدد صناعة الاهداف (111) حتى اتهامه بانه مخدش بطولات مع المنتخبات مش صح خد امم افريقيا 2010 وبطولة افريقيا تحت 17 وبطولة افريقيا تحت 19ووصل كاس العالم للكبار والشباب..

نيجى للسؤال التانى:
اه عقليته ساهمت فى اللى وصله بس السبب الاكبر ف اللى وصله مش عقليته لكن ظروف ملوش يد فيها شوية وهقلها
اه مشكلته ان دمه حامى ومببحبش حد يغلط ف امه وبيرد بتصرفات مش صح لان لازم اللاعب يكون عنده اتزان نفسى وملوش علاقة باساءات الجمهور.. لكن دا ميمنعش انه طيب ومحترم وعمره ما مثل للتحايل على الحكام.. حتى جماهير الاهلى فى عز فترات العصيبة وشتيمته اول ما حصلت جريمة بورسعيد طلع على قناة الاهلى فى اول ظهور له واول حد اعلن عن تبرعه لاسر الشهداء والمصابين.. حتى مقبلش يكدب على الجمهور ويمثل ويصطنع لما رامز جلال عمل فيه مقلب..
طب ايه بقى الظروف اللى خلته ميكنش فى مكانة افضل؟ هقلك
1- شيكا احترف ف باوك وهو صغير جدا وكان ماشى كويس ولو كان كمل بره اعتقد كان هيكون له شأن اخر طب ليه مكملش؟ لانه لما جه مصر اجازة وراجع ف المطار الجيش قاله تعالى عندك تجنيد! وباوك غرمة غرامة كبيرة استمر سنين تدفع وهو ملوش يد!
2- تواجد مع الزمالك فى اضعف فتراته مع فريق ضعيف جدا هيعمل ايه لوحده؟ وفى فترة كان مجالس الادارات بيجيبو بلطجية لبعض وقضايا متبادلة..
3- مخدش اى فرص حقيقية مع المنتخب فى عز توهجه! ومفتكرش له اى ماتش لعبه اساسى.. كان ممكن كل 10 ماتشات يلعب اخر ربع ساعة ومطلوب يبقى سوبر مان ف ربع ساعة!؟

(( دول عايرونى وقالولى يا اسمر اللون يالالى.. انا صحيح اسمر وكل البيض يحبونى يالالى))

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: