الثلاثاء , نوفمبر 19 2019
الرئيسية / كتاب وشعراء / إحنا شُركا ف كل حاجه……شعر محمود يحي

إحنا شُركا ف كل حاجه……شعر محمود يحي

إحنا شُركا ف كل حاجه
حتى ضحكتنا بسذاجه
يوم وداعنا ماهمناش ..
كنا بنكمل فراقنا صمت مخلوط باندهاش
زي مانكون م البدايه فينا إحساس الوداع
شوفنا روحنا جوه صوره
نورها كان عاصي وحزين
حسدوا فينا الناس وادينا
صاب هوانا عين وعين
واللي فكرته عشاني مستحيل يبعد .. خلا بي
واللي من ضعفي إرتجيته
بلاش تسيبني .. ماضمنيش
عيشنا حاله م المشاعر
بس ماقدرناش نعيش
لما حان أمر الغروب سيبنا بعض بدون كلام
الشعور بالحب طاقه
إنما ناقصه إهتمام
والوداع زي السعاده
لازمه دمعه تكون شياكه ..
إحنا شُركا يا حبيبي .. يا حبيبي ف كل حاجه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: