الثلاثاء , يناير 21 2020
الرئيسية / إسهامات القراء / المُستشار محمد خليفة يُشعِر: أزرق نيلى

المُستشار محمد خليفة يُشعِر: أزرق نيلى

يا مصر نيلك سألنى من امته اسمه نيل
و مين سماه .. و امته… و ازاى اتولد كبير
و ليه كان زمان بيحس دايما انه غير
بيحس انه ولد فى بدلة التصوير
الكل فيه يدلع …. و ليه دلال و خير
و فيوم و التانى الدلع اتحول لتبوير
و الارض السودا خلاص ظهر فيها الجير
لا عاد فيها زرعه و لا يجرى فيها نيل
و بدلة التصوير صارت كما البلياتشو
فيها من الالوان بدل اللون الفين
و الازرق النيلى بقى بس فى الحواديت
او حته من موال تبكى عليه العين
خليك يا نيل فاكر ان انت اسمك نيل
و إياك فى يوم تظن ان مكانك ضاع
ده مهما طال الزمن تتمادى الأطماع
ما بين واحد يلوث و واحد فيك طماع
و مسير ازرق لونك يرجع تانى يا نيل
و نحكى على ضفتك و نغنى المواويل
و مسير ازرق نيلك يرجع تانى يا نيل
مسير ازرق نيلك هيرجع تانى يا نيل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: