الرئيسية / كتاب وشعراء / 🕊قلبى الابيض🕊…..✍شعر : أشرف الشناوى

🕊قلبى الابيض🕊…..✍شعر : أشرف الشناوى

قلبى الابيض
بقى ضلمه
من كتر ايديكوا
الظالمه
اتغير نوره
لعتمه
وانكسرت فيه
النشوه
واتقفل الباب
المفتوح
على نفس الحلم
المدبوح
رافض حتى
يسامح
من كتر الدمع
المالح
من كتر القسوه
اللى شايلها
والناس اللى بتطفى
فى قناديلها
قلبى بيمسحها
باستيكه
بيغنى ويسمع
مزيكه
أنا قلبى خلاص
اصله اتعلم
من كتر ماعاش
كدا واتألم
لايحب فى يوم
تانى ويسلم
قلبى خلاص
منكوا اتعلم
هايعيش درويش
وهيكتب
على بابه مفيش
حد يحاول
يدخل ويعيش
قف
نقطة تفتيش
قلبى بقى جيش
احزان
بعد ماكان انسان
اصبح مارد
م الجان
من غير عنوان
مكتوب
على بابه
ميت من كتر
الحرمان
او مغلق للترميم
مش طالب
احسان
قلبى اللى ملان
عصافير
ماتت من ذل
الغربان
قلبى اللى بيشغى
غناوى
طارح سنط
مكان الكتان
قلبى خلاص بقى
مسرح
الكل بيطلع
ويدوسه ويفرح
ويسيبوا المسرح
عريان
ويسيبوا المسرح
عريان…..

اشرف الشناوى
شاعر عاميه
البرامون

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: