الأربعاء , فبراير 19 2020
الرئيسية / كتب ومكتبات / حديث المطربة "حياة صبرى" تلميذة سيد درويش عن وفاته: * صحيح كان بيتعاطى المخدرات؟

حديث المطربة "حياة صبرى" تلميذة سيد درويش عن وفاته: * صحيح كان بيتعاطى المخدرات؟

كتب :مصطفي شريف

 شوف لما اقولك.. هو كان راجل دوغرى.. صحيح كان ساعات بيشم كوكايين.. لكن مش عشان المسخرة.. عشان يقدر يسهر.. ولما قرف من الكوكايين.. طلقه بالثلاثة وكان دايما يغنى منولوج.. “شم الكوكايين خلاني مسكين”!
* بيقولوا إنه مات من المخدرات؟
– سمعت كل اللى قالوه وهما بيظلموه بالكلام ده.. انا عارفة إزاى مات الشيخ سيد.. كان فيه عيلة من حبايبه المتريشين له فى الاسكندرية اسمها عيلة الجريتلي.. وبعدين واحد من العيلة دى عشق مطربة فالصوا درجة ثالثة.. جابها للشيخ سيد.. والنبي تمرنها على الطرب.. سمعها واتكسف يقوله لأ.. وبعدين البنت راحت قالت لعشيقها أن الشيخ سيد بيغازلها.. خدته الغيرة.. راح بسلامته عازم الشيخ سيد على العشاء.. حط له مورفين فى كاس الويسكى.. وكان قبل ما يروح له شامم بالصدفة تذكرة كوكايين.. اتارى الكوكايين مع المورفين مع الكحول يعملوا تسمم.. جه الشيخ نام على السرير وقال سمونى.. قتلوتى.. قلت نجيب دكتور يا شيخ سيد.. قال لا دكتور ولا غيره “عليه العوض ومنه العوض”.. وراح يغنى “انا هويت وانتهيت وليه بقى ظلم العزول” !
.. حديث المطربة “حياة صبرى” تلميذة سيد درويش عن وفاته.
ما جرى في بر مصر / يوسف الشريف.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: