الرئيسية / كتاب وشعراء / لسه السفينة في الطوفان…..شعر ناديه مدين

لسه السفينة في الطوفان…..شعر ناديه مدين

لسه السفينة في الطوفان
لسه السلام مأذنش
والبحر فاير من زمان
موج كالجبال ما ثبتش
ابنك يا نوح مش أنا
طلع الجبل ما أمنش
ابنك يا نوح مش أنا
أنا يونس في بطن القرش
عابد و ليه مظلمة
عند الكريم ما يخبش
خرج النبي زعلان
حزين و من أهله
ناكرين وجود الله
و العاصي من جهله
يئس النبي يونس
من جهلهم سافر
و عشان ما يرجع نينوى
لابد من شدة
يونس في حلق الحوت
بالذكر اتوضي
دعا الكريم في الظلمة و السواد حالك
عابد وليه مظلمة و حاله من حالك
سمع الكريم للنبي أمر دا الحوت لفظه
فتح بفاه ع الشط عشان دعا لفظه
أمر النبات يحميه أصل الإله حافظه
و اللي بيقصد كريم يا بخته يا حظه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: