الثلاثاء , فبراير 18 2020
الرئيسية / كتاب وشعراء / عطشان يا جدر الأمنيات…….شعر محمد سعيد

عطشان يا جدر الأمنيات…….شعر محمد سعيد

مفتتح …
ظرف تانى وحرف تانى
والكلام عمال يهاتى
واللى نصبح فيه يا ياصاحبى
لسه بنبات فيه ليلاتى
ولسه لسه ..
الظروف هيا الظروف
ورغم عِــــز الضهر برضه
لسه مش قادرين نشوف

عطشان يا جدر الأمنيات
واترخرخت فيك الهمم
صالب عيدان روحك
بروحك !
من سكات
قادر تبان ديماً عفى ..
وسط المحن !
والمستتر رغم الخطر
جواك هُـــمام
صاحب وفى
ف عِــــز عصّــر الجوع صمد
رفض الممات والإنـهزام
أبــداً ..
ما عمروش مره عـام
عطشان أنـا .. زيك تمام

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: