الخميس , يوليو 9 2020
الرئيسية / أخبار مصر / د. محمد فاروق يكتب : نحو مكاسب سياسية لمصر .. رحلة وزيرة الصحة إلى الصين نموذجا

د. محمد فاروق يكتب : نحو مكاسب سياسية لمصر .. رحلة وزيرة الصحة إلى الصين نموذجا

لنفرض إن وزيرة الصحة سافرت الصين بأمر رئاسي ” للحصول على مكسب سياسي لمصر ”

من خلال المساندة والدعم ، ده يخليك مبسوط ببلدك ولاّ حكايتك معانا إيه ؟
إيه بقى ؟
هو احنا لما نشتغل سياسة صح ونستغل المواقف نبقى وحشين ؟
ولو ماعملناش كده تخرج حضرتك وتقول ” ماهو لو عندنا عقول بتفكر كنا عملنا زيارة للصين وحطيناها في جيبنا ؟ ”
إيه بقى ؟
لأ بجد إيه بقى ؟
هو احنا مش مفروض نشتغل سياسة برضو ؟ ولا احنا بتوع بطيخ ؟!
ده بافتراض إنها سافرت لمكسب سياسي يعني !
رأيي الشخصي إن المسألة لم تقف عند حد المكسب السياسي ،
وإلا كان ممكن يقوم بالمهمة دي رجل دبلوماسي رفيع المستوى ،
كان ممكن رئيس الوزراء شخصياً هو اللي يروح لو الحكاية دعم ومساندة للبحث عن مكسب سياسي فقط .
ومش بقول إننا اكتشفنا مصل للوقاية من الفيروس ،
لأن ده لو حصل يبقى مكان الزيارة مش للصين ولا الموضوع يبقى خدمة منفردة موجهة للصين ،
كان ساعتها يجب إخطار منظمة الصحة العالمية لتعميم القائدة على العالم كله ،
لكن ممكن جداً يكون فيه تجربة طبية مصرية أثبتت شيء معين لابد من كشفه للصين فقط ،
ممكن تكون العملية كلها طبية سياسية ،
ممكن تكون الصين كانت مُستهدفة بالفيروس ضمن مؤامرات معينة كشفت عنها تجربة طبية مصرية ..
هو الحقيقة يعني كان المفروض وزيرة الصحة تقول للشعب المصري ” بابا بعد إذنك انا مسافرة “

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: