السبت , مايو 30 2020

الرئيسية / فيس وتويتر / د.سمير النقيب يكتب :نداء إلى السيد المحترم اللواء أشرف الداوودي محافظ قنا …. قنا في خطر

د.سمير النقيب يكتب :نداء إلى السيد المحترم اللواء أشرف الداوودي محافظ قنا …. قنا في خطر

بصوا ياجماعة عشان أنا خلاص تعبت ودماغي لفت خليكم معايا كده واحدة واحدة ونبتدي من الأول
باتكلم عن المعلمة اللي اتوفت في محافظة قنا شارع خلف أوليمبيك بجوار بي تك
1_ أب وأم يبقوا عارفين أن بنتهم مريضة بمرض خطير زي الكورونا ويبقى كل همهم إن الناس ماتعرفش
بدل مايجروا ويحاولوا ينقذوها .

2_ بعد ماالبنت اتوفت وكده المفروض خلاص اتأكدوا من خطورة الموقف ، تلاقيهم بيخدعوا اللي حواليهم ويكتموا على الموضوع لدرجة إن شاب شهم مسكين جري جابها بعربيته من المستشفى وأخوه شالها لأنهم مايعرفوش حاجة .

3_ إزاي المستشفى تسمح بتسليم الجثة لأهلها كده عادي
وكمان تتغسل في بيتها ( بس شوفوا ازاي عندهم ضمير ياعيني وقالوا للمغسلة البسي جوانتي وكمامة عشان البنت عندها كورونا أحسن تتعدي ) واتكفنت كفن عادي مع إن المفروض الكفن يكون في الحالات دي ست طبقات قماش وطبقة جلد .

4_ الكيس اللي جابوها فيه من المستشفى رموه جنب باب العمارة يومين .

5_ الموجودين أثناء الجنازة في شقة المرحومة 14 فرد
جه كام فرد من الطب الوقائي ونبهوا عليهم محدش يخرج
من البيت ولايستقبلوا حد … وطبعاً مفيش حاجه من الكلام ده حصلت .

6_ تواصلت مع كل المسئولين واتواصل معي مكتب شكاوى رئاسة الوزراء بمساعدة الصحفي المحترم محمود بكري
وشرحتلهم الوضع بالكامل وقالوا هنكلمك تاني بعد شويه
كلموني وقالوا هي فعلاً الحالة دي إيجابية
وهنبعت طاقم من الطب الوقائي يعقم ويطهر
فطلبت منه أنهم يحللوا كمان للناس اللي في العمارة لأنهم خايفين ومرعوبين ، قالي تمام هاتواصل مع وكيل وزارة الصحة عندكم للمرة التانية وأبلغه
ومفيش أي حاجة حصلت ولا حد سأل فينا لغاية دلوقتى
قولولي بقا ايه اللي أقدر اعمله تاني أكتر من كده وأنا كنت باتقطع يوم الواجب وأنا شايفه الناس عماله تزيد ستات ورجاله كان هاين عليا أجيب ميكروفون وأقول ياناس خلوا بالكم أبعدوا ، بس هاكلم مين ولا مين وكمان ساعتها ماكانش لسه الموضوع اتأكد لأنهم قالولنا عندها التهاب رئوي وأنيميا حادة …. لله الأمر من قبل ومن بعد
والله خير حافظا وهو أرحم الراحمين

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: