كتاب وشعراء

شوف الدنيا…..شعر أشرف الشناوى

شوف الدنيا
أما بتاخدك
براها
وتحس بروحك
فى متاهه
وتحس بوجعك
زى المسامير
ازاى هاطير
وازاى هتلاقى
لحلمك تفسير
وسط الفوازير
والليل المليان
براويز
ويشد فى رمش
عينيك
ويعدى الصبح
عليك
وكأنك من أهل
الكهف
مستنى العالم
يتغير .حواليك
والفجر يخبط
على بابك
ويسيبلك حبة
ضى
وتحس انك حى
وتلاقى فى بكره
النور
بيكسر جواك الخوف
والعتمه
والشمس تدفى
فى قلبك
فيدق
فى نشوه
وتمد ايديها
وتشق.طريق
جواك
يمكن تتقابل
مع روحك تانى
لو حتى ثوانى
من غير اوجاع
او ترسم احلامك
عالجلد المنقوع
فى الملح
يمكن صدفه
تقابل فرح
او ضحكه نسيتها
وقت هروبك
م الجرح
ارسم احلامك
بالزيت
والالوان
قبل ماتكبر جواك
الاحزان
وتهزك
او تنسى انك
كنت فى يوم
انسان……………

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى