• أخبار مصر
  • سالى سليم تكتب : وفاة الرئيس في الإعلام !

سالى سليم تكتب : وفاة الرئيس في الإعلام !

تم النشر فى مع 0 تعليق اضيف بتاريخ : 03/10/2016 الساعة : 7:21:09



وفاة الرئيس عبد الفتاح السيسي خبر استقبلته التيكرز العالمية نقلا عن وكالة انباء الشرق الاوسط الوكالة الرسمية لأخبار جمهورية مصر العربية ..


( هذا و تم التأكد من خبر الوفاة من القصر الجمهوري و يذكر ان هناك انباء تناولتها بعض الاروقة السياسية بالقصر عن حتمية اخفاء خبر الوفاة للاوضاع الحرجة التي تمر بها البلاد )

ستوووب .. كات .. مخضوض ليه ماهو ده اللي ناقص يحصل !!

اللي جاي ده بقي حصل بجد .. صدقه :

مدير تحرير وكالة الشرق الاوسط الوكالة الرسمية المتحدثة باسم الدولة المصرية نزل خبر استغاثة لرئيس الجمهورية ضد رئيس مجلس إدارة ورئيس تحرير  الوكالة "علاء حيدر" متهما إياه بأنه حول الوكالة الرسمية في الدولة إلى عزبة خاصة يستغل فيها نفوذه لتحقيق مصالحه الشخصية، بحسب وصفه و تستلمه كل الوكالات الاخبارية العالمية !

دي حمامات عامة مش اعلام و صحافة ! لا فهمني بجد يا ريس هو لان الحلال اجمل ستنتظر مثلا لحد ما ربنا يهدي الموغات بالاومليت ( الاعلام سابقا ) بكل فروعه ؟

طيب ابانا الذي في المخابرات مش عارف ان الاعلام و القائمين عليه هيجيبوا البلد دي الارض ؟!؟!  ولا هو مفهمك انك بنص كيلو حنية و كتر المعلشات هتقدر تواجه كمية الخيانة الناعمة اللي بتدخل البيوت المصرية كل يوم  ، فهمني بس و انا مش هخرج قبل ان اقول سبحان الله...

حط كدة خبر وفاة رئيس الجمهورية او مثلا هجوم بري و بحري علي مصر و شوف تبعياته ايه كدة ( سقوط  مدوي للبورصة المصرية تبعه هبوط حاد للتصنيف الائتماني لمصر  ، هجوم مكثف علي الحدود الشرقية و الغربية لجمهورية مصر العربية ) .. ماهي ظاطت بقي ..

اعمل سيرفاي كدة للميديا في العالم كله و هاتلي دولة سايبة اعلامها بقنواته و تشريعاته و افلامه و مثلثلاته و نقاباته اسم الله عليها زي مصر .

انتقالك من العسكرية للمدنية واضح جدا بس الضبط لا فيه مدني ولا عسكري . انت ازاي مش شايف السوس اللي بيخربلك الاساس.. ظهورك من وقت للتاني مش هيحوأ، نضف الجدر علشان زرعك يطرح .. ولا معندكش حد ياخد كيس الزبالة و هو نازل ؟


26245 مشاهدة