الإثنين , يوليو 6 2020
الرئيسية / منوعات ومجتمع / ريهام عرفة تكتب : بلدنا هتتغير فى هذه الحالة !

ريهام عرفة تكتب : بلدنا هتتغير فى هذه الحالة !

” البلد هتتغير لما يبقي
عندنا اخلاق ” احلي كلمة ممكن تقولها في اي تجمع زي قعدة اصحاب و لا اتوبيس و
لا حتي طابور…هتلاقي هزات الراس و الهمهمات اللي موافقة علي كلامك…و دي المصيبة….الناس
مستنية الاخلاق تتغير و بعدين هوبا هتلاقي انت البلد بعدها راحت متغيرة كدة لوحدها
كرد فعل يعني…فالناس بصراحة عاملة اللي عليها و مستنيين الاخلاق تتغير….يا حلاوة
المولد ابو حمص..

انك تغير اخلاق شعب
كامل ده حلم لذيذ و امور…انما كابوس الواقع بيصحيك و يقولك: انظر حولك و ابتسم بالصلاة
علي النبي

بس احنا ممكن بدل
ما نغير الاخلاق نغير التصرفات و ده غالبا هيجيب نفس النتيجة….ازااااي؟…..قلتلي
ازاي…كويس انك جيت لي…..عادي يعني…حاجة بديهية….بالقانون…. و لا شيئ الا
القانون….اعمل قانون محترم و عقلاني…الدولة بتملك القوة و القدرة علي تنفيذه…و
لازم ينفذ بحيادية و يطبق علي الجميع….اهم حاجة انه يطبق..و علي الجميع…مش
“يتطبق” و يتحط في الجيب الوراني مع 20 جنيه الشاي….معرفتكش انا كدة….لازم
يكون فيه فلنقل دوريات تتاكد من انها بتتنفذ مثلا…تنفيذ القانون ده هيجبر الناس انها
تغير تصرفاتها و بالتدريج هيغير طريقة حياتها…..يا جماعة الدول مش بيحكمها الضماير…الدول
بيحكمها القوانين. 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: