الرئيسية / رؤى ومقالات / د. محمد فاروق يكتب : عارف مساحة سيناء أد إيه ، وعارف معنى ده إيه ؟!

د. محمد فاروق يكتب : عارف مساحة سيناء أد إيه ، وعارف معنى ده إيه ؟!

ساحة سيناء أكتر من 60 ألف كيلو متر ! عارف يعني إيه ؟

لأ حضرتك
ماتعرفش ، لأنك مابتعرفش تتخيل ، خلينا نحاول نقربهالك شوية يمكن ربنا ينفخ في صورتك
وتفهم !

حضرتك
بتروح تصيف في اسكندرية مثلاً ؟

شفت
الطريق من القاهرة لاسكندرية ؟ بتزهق وانت ماشي في الطريق من الوقت والمسافة ؟

سيناء
يا كابتن تساوي 273 ضعف مساحة طريق القاهرة اسكندرية .

يعني
لو افترضنا إن القوات المسلحة مسيطرة على 272 ضعف مساحة طريق القاهرة اسكندرية ، يبقى
عندك مساحة كاملة مفقودة تساوي طريق القاهرة اسكندرية ، ولا تقع تحت السيطرة !

أولاً
: تقدر تتخيل كيفية حماية مساحة تُعادل 272 ضعف مساحة طريق القاهرة اسكندرية ؟

ثانياً
: تقدر تتخيل المساحة غير الواقعة تحت السيطرة واللي هي تُعادل مساحة طريق القاهرة
اسكندرية مرة واحدة ؟ تقدر تتخيل ممكن يكون فيها كم إراهابي ؟ كام نفق ؟ كام مخزن سلاح
؟

ثالثاً
: إرجع بقى افترض معايا إن الدولة مسيطرة على كل الـ 273 ضعف بلا استثناء ، لكن كل
شهر ممكن تفترض إنه 20 فرد إرهابي فقط بيحاولوا يعملوا عملية إرهابية ، هل تقدر تتوقع
في أي جزء من الـ 273 ضعف .. هيحصل العمل الإرهابي ؟ تقدر تتوقع هيحصل فين وإمتى من
مساحة تُعادل 273 ضعف مساحة طريق القاهرة اسكندرية ؟

طيب
انت كدولة حاطط 41 كتيبة في منطقة رفح والشيخ زويد ، بما يعادل 20 ألف جندي بأسلحتهم
وذخائرهم وتدريبهم ونفقات إقامتهم يومياً !

تخيل
بقى إن الـ 20 إرهابي دول فيهم الفدائي اللي ماعندوش مشكلة يفجر نفسه وياخد في سكته
كتيبة كاملة ! …. طيب تخيل إن الـ 20 إرهابي دول 200 إرهابي متوزعين على مساحة تساوي
273 ضعف مساحة طريق القاهرة اسكندرية ؟ …. تخيل إنهم 2000 بقى ؟ …. هما 2000 واحد
ممكن يبانوا في مساحة تُعادل 273 ضعف طريق القاهرة اسكندرية؟!.. يعني 8 إرهابيين فقط
في مساحة تُعادل طريق القاهرة اسكندرية !

طبعاً
الانتشار والتمركز والتأمين له أهل اختصاص ومش بيحسبوها بالبلدي كده ، وإلا هنعمل إيه
في مساحة مصر من أسوان لاسكندرية ؟! أنا عايزك بس تتخيل مجرد المثال !

تخيلت
؟ 

.. عرفت 

وقدرت .. الآن ! 

نرجو ذلك .. من أجلك أنت !

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *