• رؤى ومقالات
  • زهرة يسرى تكتب : فى الحرب العالمية على مصر لابد أن نكون كلنا الجيش !

زهرة يسرى تكتب : فى الحرب العالمية على مصر لابد أن نكون كلنا الجيش !

تم النشر فى مع 0 تعليق اضيف بتاريخ : 10/01/2017 الساعة : 2:39:28


سمعت مكالمة القائد و المعلم (عبد الفتاح السيسى) مع (عمرو أديب) مرتين ، رغم إنى ما كنتش محتاجة أسمعها و لا هتزود إعتصامى ببلدى و جيشى و إيمانى بالرجل ده و رهانى عليه ..

من 3 سنين و نص أما نزلت الجمعة 26 يوليو 2013 فوضت الجيش و الشرطة لمكافحة الإرهاب ، كنت عارفة إنهم مش محتاجين تفويض لأنه صميم عملهم ، لكن فهمت بالفطرة إنه لازم غطاء شعبى ضخم لإن العالم كله كان شبه مقاطعنا بعد عزل الخائن (مرسى) ..

أدركت بالسليقة إننا فى حرب عالمية .. حياة أو موت .. مجموعة مجرمين و عصابات إنتزع منهم حكم (مصر) بجلالة قدرها فى ثانية و إستحالة يسلموا بسهولة ..

فوضت راس الجيش إللى طلب التفويض و كان تفويض على بياض .. يعنى لم و لن أتابع هو بيعمل إيه ؟ و عملت له توكيل بالرئاسة 6 إبريل 2014 ، و مستعدة أجددهم مرات و مرات ..

ده مش كلام عاطفى حنجورى و شعارات رنانة ، بوصلتى و قبلتى من يناير 2011 هى الجيش المصرى العظيم .. متشعبطة فى حباله و مش هسيبها إلا بموتى ... مطرح ما يروح أنا وراه زى ظله ، فما يجيش شمام صايع يقولى الجيش حاجة و السيسى حاجة لإنى هضربه بأوسخ جزمة ..

كلمة السيسى عن شهادة الإدارة الأمريكية الجديدة (ترامب) إن مصر هى الدولة الوحيدة فى العالم إللى بتواجه الإرهاب و بشجاعة و جراءة و صدق ، بالنسبة لىّ مش جديدة و أكدت ثوابتى الراسخة من 6 سنين ..

مش ناسية شهادات بعض الأمريكان صيف 2013 لمصر .. العميد الأمريكى المتقاعد و الروائى (رالف بيترز) Ralf Peters أما قال : أنا لا أحب الإنقلابات العسكرية ، لكن الإنقلاب الحقيقى هو ما قام به (مرسى) و الإخوان المسلمين ضد الديمقراطية فى (مصر) !

و جندى المارينز بلين كوبر Blaine Cooper أما قال لـ (جون ماكين) علناً فى مؤتمر صحفى : على الأقل هناك بلد واحدة فى العالم وقفت فى وجه إرهاب تلك الحكومة (الإخوان) التى تدعمونها فى مصر .

و القاضية جينين بيرو Jeanine Pirro أما قالت لأوباما إزاى بتطالب الحكومة المصرية بالتسوية السلمية مع أشخاص بيحرقوا الكنايس و بيقلبوا سيارات الشرطة و بيستخدموا النساء و الأطفال كدروع بشرية ؟!

و غيرهم .. مش محتاجة أسمع المكالمة عشان أعرف إننا فى حرب ميدانية و أنا شايفة بعينى أنضف و أجمل الدول العربية زى سوريا و العراق و ليبيا إتمسحت من على الخريطة بسبب الإخوان و حالياً بيعاد تشكيلها و تقسيمها وفق أطماع الخواجة !!!

مش محتاجة أسمع المكالمة عشان أصدق إن الراجل إللى طلع طيارات ضربت شاحنات البنزين و السولار المهرب لغزة فى عز حكم مرسى و حول 15 شاحنة لكتلة لهب و غرق الأنفاق بمضخات مية ، إستحالة يسكت للمتلاعبين بقوت الشعب ..

فاتت على أجدادنا و أهالينا حروب طاحنة و أزمات إقتصادية تهد قارة و مصر مكملة .. الغمة هتنقشع و هتعدى و هتفرج .. مش مستنية رأى عيل جنس تالت بيقول لو السيسى مش قد الشيلة ما يشلهاش !!!

صمودنا حاجة بتجرى فى الدم ما يفهمهاش الخرونجات و المراكيب


244 مشاهدة