ربيع الحسيني يكتب : "خليهالك " .. ادبح اللى بيدبحك !

تم النشر فى مع 0 تعليق اضيف بتاريخ : 10/01/2017 الساعة : 3:14:26

 

‏شهر طوبه الفراخ بتموت من البرد .. قاطع شراء الفراخ شهر طوبه .. فرخته تلزمه والخمسين جنيه تمن الفرخه حرام تدخل جيب التاجر الجشع

عيالك اولى .. مش هانموت لو مااكلناش فراخ شهر ..اوعى تاجر يستغلك .. مش هانشترى اللى لما تنزل للسعر الرسمى سته ونص للكيلو

سيدات مصر العظام .. الست المصريه الجدعه الشاطره اللى قادت مصر كملكه ووزيره وسفيره وقاضى وطبيبه وست بيت .. دايما بنطالب الدوله بالبحث عن حلول .. فى اوروبا والدول المتقدمه .. مش بيطالبوا الدوله بمحاربه الجشع .. الشعب هو اللى بيحارب الجشع .. كلنا عرفنا ان الدوله كانت هاترفع ا لجمارك عن الفراخ المستورده ..عشان تنافس المحلى والسعر ينزل .. طلعوا الجهابذه يصرخوا ويشقوا الهدوم . اننا بنبوظ اكبر صناعه وبنشرد عمال .. وتراجعت الدوله ف القرار بعد ما راح لجنه من شعبه مرببى الدواجن اتفقوا على سعر يرضى الجميع .. وهوووب ارتفعت تانى ارتفاع جنونى .. الجشع بيحارب الدوله وبيحارب المواطن .. طيب احنا بدأنا شهر طوبه .. وانتهت اعياد اخواتنا المصررين .. شهر طوبه هو اكتر شهر بتموت فيه الدواجن من شدة البرد .. وبرضه مش عاوزين ينزلوا الاسعار .. خلاص احنا نقاطع شراء الدواجن ويشربوها .. احنا مش هناخدها الا بسته ونص الكيلو حسب ما قال مربى دواجن ان ده سعرها الرسمى .. مش هانموت لو ما اكلناش فراخ شهر .. جربوا نبقى ايجابيين .. خليهم لما يخسروا مره يحرموا الجشع ياترى نقدر؟؟ 
شاركوا فى حمله "خليهالك " 
وقاطعوا شراء الدواجن شهر طوبه وشوفوا النتيجه .. مين مع ستات مصر العظام ؟
 ولادك اولى بتمنها اللى بيدخل جيب التاجر الجشع

خليهالك

ادبح اللى بيدبحك

 تحية  لكل الستات العظام


2374 مشاهدة