الجمعة , يوليو 3 2020
الرئيسية / إسهامات القراء / مصطفي سلماوي يكتب …..فساد الكبار..سدنة العدل ب 100 مليار مع الرأفة

مصطفي سلماوي يكتب …..فساد الكبار..سدنة العدل ب 100 مليار مع الرأفة

“قول لينا كده ياعم مصطفي نموذج بنهب مصر وان الاراضي تقدر تعمل الانجازات اللي انت قلتها في البوست “….دي رسالة ع الخاص حد قالها بسخرية .. ورديت عليه وقلت : حاضر يخلص الماتش واقولك نموذج بسيط 

**********************
شوف ياسيدي عشان تقرأ اونلاين موش ع الخاص , الجهاز المركزي للمحاسبات قدم تقرير للنيابة في 2014 عن ضياع 35 الف فدان في الحزام الاخضر حوالين 6 اكتوبر( وثائقه موجودة بالنيابة العامة )….وللاسف سدنة العدل حفظوا البلاغ …عارف ليه ؟ لأن اللي اخد الارض هم : 1- اعضاء بالنيابة 2- نادي القضاة و3- احد الاجهزة السيادية ” المخابرات “
ثانيا : نيجي للتمن … البهوات وزعوا علي نفسهم 35 الف فدان يعني يا سيدي 147 مليون متر مربع بالتمام والكمال….السعر كان كام يا سيدي 71,1 قرش للمتر المربع وليس جنيه علي اساس الفدان 3000 جنيه …..
ثالثا: السعر الحقيقي للارض يعادل 1000 جنيه للمتر موش بالفدان …لان الحزام الاخضر ماعاد اخضر ..عاد مكان للبهوات يبنوا عليه منتجعات وقصور وفيلات ….يعني يا سيدي اجمالي تمن الارض الان 147 مليون متر مربع في 1000 جنيه بتساوي : 147 مليار جنيه
رابعا : الفرق بين السعرين 147 مليار – 105 ملايين جنيه = 146,89 مليار جنيه
…خد هيطلع يقولي ياعم الكلام ده من زمان وسعر الارض كان رخيص …ماشي خلينا نسيب ليهم 46,89 مليار جنيه يبقي حق الخزانة العامة والمصريين 100 مليار يعني 10 مليار دولار الدولار علي اعتبار هنشتريه من السوق السوده
**ال 10 مليار دول يا سيدي يرفعوا الاحتياطي النقدي الي 26 مليار دولار
**ال 10 مليار دول يا سيدي يسددوا بخبطة واحدة 20% من اجمالي الديون الخارجية
**ال 10 مليار دول يا سيدي يسدوا تقريبا نصف عجز الموازنة العامة
** ال 10 مليار دول يا سيدي يغنونا عن الاتفاق مع صندوق النقد ويكفونا شروط البنك الدولي عشان يدينا 1,5 مليار دولار
………بمناسبة الحزام الاخضر ويمكن صدفة …حد زميل ناشر فيديو هتلاقوه في اول كومنت عن ناس غلابة كان مع الواحد منهم فدان او اتنين او خمسة وبعد مازرعوها لانه اسمه حزام اخضر …البهوات بعتوا الشرطة وشالوا الزرع وحولوها الي صحراء تاني ..استعدادا لتوزيعها علي بقية البهوات

 
 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: