د. محمد فاروق يكتب : اختيار الجيش أمان للشعب !

تم النشر فى مع 0 تعليق اضيف بتاريخ : 04/10/2017 الساعة : 12:26:22


عارف يعني إيه 60 قتيل و 500 مصاب من المدنيين في حادث لاس فيجاس ؟

يعني الشخص الإرهابي أو الشخص المتهور لو الدولة مش قادرة تتعامل معاه ممكن يحصد أرواح مئات الآلاف في كام حادثة متفرقة !

يعني النظرية الأمنية الحديثة أو التكنولوجيا المتطورة مع كاميرات المراقبة و .. و .. إلخ ، مافيش حاجة منهم استطاعت إنقاذ المدنيين ، 60 قتيل والعدد قابل للزيادة !

أومال الحل إيه ؟ ... ولو عدد المتهورين أو الإرهابيين كتير ممكن يعملوا إيه ؟ يعني حضرتك والمصريين لو موجودين في سيتي ستارز مثلاً ولقيت عاصم عبد الماجد أو عبود الزمر وفريقه فاتح عليك وعلى كل الموجودين النار ! تفتكر العدد ممكن يبقى كام ؟

طيب احنا كدولة نعمل إيه ونتصرف ازاي علشان نحميك ؟

حضرتك الراجل عندنا قال : الحرب كانت هتبقى بين الشعب والإرهابيين ، واحنا اختارنا نحمي شعبنا ونخلي المعركة بين الجيش والشرطة وبين الإرهابيين .

الأمن والأمان زي الصحة بالظبط ، ماحدش بيحس بنعمتها إلا المريض


1668 مشاهدة