الخميس , يوليو 9 2020
الرئيسية / إسهامات القراء / إيمان الأشراف تكتب …..من أسبوعين ذهبت الى قبرص من مطار برج العرب فى اسكندريه لمطار لارناكا …

إيمان الأشراف تكتب …..من أسبوعين ذهبت الى قبرص من مطار برج العرب فى اسكندريه لمطار لارناكا …

أولا..مطار برج العرب مطار بدائى للغايه وحماماته كفيله بضرب السياحه فى مصر للأبد .. وتشبه المراحيض العامه فى الشوارع …مع إن المطار يتعرف من حماماته … ولهذا قطعا فأنت لن تشعر فى برج العرب أنك داخل مطار … وتظل تتساءل بينك وبين نفسك طول الوقت .. هو ماحدش بييجى يفتش هنا خالص؟

أول ماتوصل مطار برج العرب تلاقى طوابير طويله ع الباب بره بيتخانقوا عشان يدخلوا قبل ما الطيارات تطلع.. والعسكرى اللى ع الباب بره موقفهم ببطىء قاتل عشان يشوف جوازاتهم …
ولو رحت فى أى وقت فى اليوم ستجد نفس الطوابير…هما سلو بلدهم كده..
وهو مشهد قطعا لن تراه فى مطار آخر…

الاجراءات الأمنيه فى مطار برج العرب ليست سيئه بدليل أنهم أحيانا يجعلونك تخلع حذاءك قبل المرور..
ولكنها ليست ممتازه …
فالهرج والمرج ودخول وخروج العمال وعدم النظام بالاضافه لضيق المساحه داخل المطار قد يسمح ببعض التجاوز …

أما إذا كنت قادما من الخارج الى مطار برج العرب … فنصيحه منى لا تدخل الحمامات ..
ولاتحمل معك شنط كتير تضطر معها للبحث عن العربه التى تحمل الشنط أمام السير…
فتقريبا ده المطار الوحيد فى العالم اللى تيجى تدور فيه على عربيه تحط عليها شنطتك يقولولك العربيات خلصت يا أستاذ .. كان فيه 40 عربيه وبقية الركاب خدوها .. إقف إستنى لما العامل يجيب بقية العربيات اللى واقفه بره المطار …

ده غير ان المطار فيه سير واحد لكل الرحلات … يعنى انت وحظك …

كان فيه مطار تانى فى اسكندريه إسمه مطار النزهه .. كان ممكن ندخل بيه موسوعة جينيس كأسوأ مطار فى العالم .. بس هما عرفوا غلطتهم وقفلوه .. وهو بقاله دلوقتى أد خمس ست سبع سنين كده مغلق للاصلاح …رغم ان موقعه عبقرى ومش بعيد زى مطار برج العرب الذى يستغرق الوصول اليه حوالى ساعه ونصف …

ثانيا .. مايخص مطار لارناكا .. وهو المطار الوحيد فى قبرص .. رغم انه صغير للغايه الا انه يشبه مطارات أوروبا فى نظافته ونظامه وإجراءاته الأمنيه… وسبحان الله عندهم عربيات كتير تحط عليها شنطك رغم أزمتهم الاقتصاديه… مش زى عندنا …

قبرص صغيره للغايه وبديعه ونظيفه .. وتتنقل بين مدنها(نيقوسيا العاصمه. .وليماسول.. ولارناكا .. وآى نابا ) بباص محترم يأتى فى مواعيد دقيقه ويستغرق حوالى ساعه بين مدينه وأخرى …الصور دى فى لارناكا بالمناسبه

ثالثا … لو كنت أعرف إن عندنا طياره هتتخطف والعالم هيقف على رجله عشان واحده ست كنت أكيد إتصورت معاها سيلفى …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: