ياسر توفيق يكتب : إنسانية مفرطة .. تعلمنا !

تم النشر فى مع 0 تعليق اضيف بتاريخ : 13/11/2017 الساعة : 1:07:07


 

اليوم حدث معايا في الشغل موقف جميل جداً.. عندي فورمان باعتمد عليه وشخص بالنسبة لي مهم على المستوى العملي وبعدين قربت منه شويه على المستوى الإنساني عرفت إنه بوذي ونباتي لايأكل اللحوم ودايماً مختلف مع إبنه اللي بيشتغل تحت إيده علشان بياكل لحوم.. المهم كل ما أروح الموقع يطلب مني أوصله على كاڤيتيريا أول الشارع وشوفته كل مرة يطلب قطعتين كيك وكوب شاي وزجاجة مياه.. أدفع حسابهم شئ بسيط جداً ويرجع معايا للموقع وبس يشرب الشاي .. انهارده اشتريت له ٦ قطع وقلت له ليه مابتاكلش الحاجات دي ؟! لازم تاكل أمامي... قال لي عاوز تعرف ماباكلش ليه؟ قلت له أكيد..... قال طيب تعالى معايا ..... وروحنا ڤيلا قديمة كنا شغالين فيها من شهر تقريباً لقيته دخل وحط الكيك في طبق بعد ماهرسهم وفضى المية الساقعة في طبق تاني ودخل جوه جاب معاه قطة صغيرة وقال لي القطة دي جينا يوم نشتغل لقينا أمها ماتت ومن ساعتها وأنا كل يوم بآجي أحط لها أكل ومية.. بياخد مواصلة من المشروع ويجيب لها الأكل علشان شاف أمها ميتة.. في إنسانية أكتر من كده؟!


240 مشاهدة