إنت مين .. نص للشاعر : صبري والي

تم النشر فى مع 0 تعليق اضيف بتاريخ : 30/11/2017 الساعة : 2:17:27


 

انته مين ?

انته مين يالي قتلت الساجدين

بني آدم زينا ولا من جنس الشياطين

حتي الشيطان يأخي بيبعد عن ناس متوضين

قولي انته مين ?

ايه الخصومه الي بينك وبين المصلين

ولا القذاره ف دمك وبتحقد ع الطاهرين

فين الرجوله لما تقتل آمنين ف بيت رب العالمين

قولي يا كافر انته مين ?

دينا حرم قطع شجره قتل صبي والمسنين

دينا حرم الغدر وسفك دم الآمنين

دينا حرم الخيانه

دينا وصي بالأمانة

دينا وافتخر دين محمد الامين

قولي دينك انت ايه ولا انت مين?

مصعبش عليك دموع الطفل يا كافر

مصعبش عليك عجز الشيوخ يافاجر

مصعبش عليك يانجس حرمه المكان الطاهر

قفلت ليه البيوت ليه طفيت الشموع

ليه قتلت الابتسامه وبدلها نزلت دموع

ايه هي متعتك لما اختلط الدم بالخشوع

حرقتوا الشجر الاخضر

لون الشوارع احمر

من دم اطفال وتكسير الضلوع

ايه هي هويتك ولا انتم مأجورين

مهو لايمكن تكونوا مسلمين

قولولي ياكفره انتوا مين?

بسم الله الرحمن الرحيم

قل ياأيها الكافرون لا أعبد ماتعبدون ،، ولا انتم عابدون ما اعبد ،، ولا أنا عابد ما عبدتم ،، ولا أنتم عابدون ما أعبد ،، لكم دينكم ولي دين

صدق رب العالمين

قولي يا كافر انت مين?



300 مشاهدة