• منوعات ومجتمع
  • م/سيدة الشربيني تكتب:إنطباعات عن رحلة فريق مركز الصفاء إلى الاسكندرية للمشاركة في المسابقة الكشفية

م/سيدة الشربيني تكتب:إنطباعات عن رحلة فريق مركز الصفاء إلى الاسكندرية للمشاركة في المسابقة الكشفية

تم النشر فى مع 0 تعليق اضيف بتاريخ : 04/12/2017 الساعة : 11:36:04

لسة في أهالي بيقولولي هما آخرة العيال دى إييه !

والحكومة عملتلهم إيييه ؟

لما بسمع مثل هذا الكلام .. أتذكر على الفور :

ربما تخونك الكلمة

تزعجك وتثير العالم ضدك

تفقدك اعز الناس

وتدخلك دائرة الندم

الصمت ابدا لن يخونك

وإذا فقدت القدرة على أن تقول كلمة طيبة .. 
فالصمت اولى .. ولن تخسر شيئا

الحمد لله على كل شيء ..

إجهاد غير عادي

وألم رهيب في كل جسمي

المسؤلية كبيرة جدا..

ربنا يعوض علينا بالخير ويتقبل بس ..

لسة في أهالي بيقولولي هما آخرة العيال دى إييه !!

والحكومة عملتلهم إيييه ؟

ودى آخر مرة مرة يطلعوا معاكم في آي مكان ..!!

ولاد مابتخرجش من بيوتها ...

كنتم بتتكسفوا منهم..

مابيعتمدوش علي نفسهم في آي حاجه.

واخدينهم منكم بالإسبوع ..

يعني مدياكم فرصة تاخدوا أجازة شوية وتعيشوا حياتكم ..

بيطلعوا في آي مسابقة أو رحلة تبع وزارة كبيرة زي الشباب والرياضة

إقامة كاملة ٥ نجوم

أكل شرب أقامة تنقلات فسح مابتتكلفووش الا كلام فاضي علشان احنا مدلعين الولاد شوية ...

في معايا مشرفين ومشرفات سايبين بيوتهم ومسئولين عن كل تفاصيل الولد والبنت

حمامهم.

نظافتهم.

أستحمامهم

أكلهم.

شربهم.

والأهم (أمانهم وسلامتهم )

بعد كل دة يجي ولي أمر مليونير يقولك هي الحكومة عملتلهم إيييييه ولا هي آخرة العيال دى إيييييه !!

قولي صرفت كااام علي ولادك الطبيعين في التعليم العام !!

ولا في الكلية !!

وقولي الحكومة عملتلهم إييييه

أأقولك أحبسه جنبك

أولا شغلة معاك

ولا أأقولك حاجه احسن

أنا هاخده منك.


549 مشاهدة