عباس أبو شنب يكتب :العهد

للأسف جيش سوريا معندوش عهد ولا ميثاق مع ابناء شعبه اللى حصل فى سوريا تهريج حاجة ميقتنعش بها عقل الجيش السورى اتعلم ايه فى الكليه الحربية يعنى لو الجندى يموت على حدوده ويحافظ عليها من التعدى ويموت احسنله بشرف ولا يهرب بدون شرف علمونا فى الجيش المصرى انه الموت ولا ترك السلاح والرئيس اللى يمشى بدون ما يعد جيشه ويسيب بلده خربانه دا خاين ولا قد مسؤلية انه يمسك رئيس
قامت ثورة فى مصر والرئيس من الرغم اللى عمله قال هذا وطنى وبه ولدت وفيه اموت وفعلا عاش ومات ببلده
صدام حسين لم يهرب عياله او اسرته وترك بلده ولكن تحمل مسؤلية ما يحدث فى بلده ودفع الثمن بموتة وموت ابنائه ولم يقبل بالمساومة
القذافى مات فى بلده هو وابنائه واسميه موت بشرف لانه لم يهرب بأسرته للخارج
على صالح مات فى بلده ولم يهرب ويتركها
كنا زمان فى الثمانينات كنا شباب ومعنا اغلب الشباب العربى كان متحمس للجهاد فى افغانستان لانها بلد مسلمه
مشوفناش دا من الشباب السورى فى كل الدول العربيه انه عنده الحماس للحفاظ على بلده الشباب العربى خلاص اتبرمج انه ميكونش عنده نخوة ولا غيره على بلده وكان يقال انه الجيش السورى هو الجيش الاول للاسف
يكش نتعلم من اللى بيحصل ومنعتمدش على حد المفروض الدول المحترمه تعد جيشها وتعتمد على الله
بشار اعتمد على ايران وروسيا وكان بيقتل فى شعبه عشان فاكر هيحموه ولكن لما ضحو ضحو بيه وحاليا اسرائيل مش بعيد ترشح الاسد لنوبل لانه مكنهم من بلده بدون طلقه واحده وحاليا الجنوب السورى بالكامل تحت السطو الاسرائيلى وشمال سوريا لتركيا وبقيت سوريا مقسمه بين ايران وامريكا لك الله يا سوريا