ملايين الاهلي من اين تأتي ومن الرقيب عليهم وخزائنه أصلا خاويه

خليل ابو العلا يكتب :
هناك اراء ورؤي مختلف لمتخصصين وغير متخصصين علي السوشيال ميديا وخاصه الفيس بوك للتعبير عن اراءهم تجاه بعض القضايا الرياضيه وعلي صفحه عبد الله رشاد بالفيس بوك نقلنا نسخا كلماته في قضيه المال الرياضي والإسراف في بعض الانديه موجها سؤال مهم وهو من اين تأتي هذه الاموال ومن الرقيب عليها في حاله الصرف والبيع وهل هناك شكل شرعي وقانوني ؟
فكانت هذه هي الكلمات من صفحته .

“متخيل؟ الأهلي عرض 6 مليون دولار على لاعب، والنادي بتاعه هو اللي رفض، يعني كانوا جاهزين يدفعوها بمنتهى السهولة! وبعدها جابوا بن شرقي بـ 1.6 مليون دولار، وقبله خلصوا مهاجم بـ 1.3 مليون دولار، غير الفلوس اللي اندفعت للعش ورضا، وترزيجيه اللي دفعوا لناديه 1.6 مليون دولار مع عقد للاعب بمليون دولار في الموسم، بزيادة 100 ألف دولار كل سنة. ده غير يوسف أيمن وتاو علشان يفسخوا التعاقد. وفي الآخر يطلع حد زي القيعي يقولك “لعب مالي نظيف”! ناس بتشتغل نفسها والله…

متخليش حد يضحك عليك ويقولك إن الأهلي بيكسب من فريق الكورة، كلها أوهام! الدوري المصري كله بجوائزه مليون جنيه، ودوري أبطال إفريقيا 4 مليون دولار، ومع ذلك الأهلي خلص أمام عاشور لوحده بـ 3 مليون دولار! ومحدش يضحك عليك بكلام عن كأس العالم للأندية، الأهلي كل اللي أخده منه 2 مليون دولار لا أكثر.

السؤال هنا: بعد كل ده، الأهلي بيجيب الفلوس دي منين؟ مين اللي بيدفعها؟ وليه نادي كورة يتم الصرف عليه بميزانية مفتوحة بالشكل ده؟ ليه مش كل الأندية الجماهيرية تتعامل بنفس المعاملة؟ وليه محدش بيحاسب على المليارات اللي بتتصرف؟

الإجابات كلها عند اللي بيدير مسرحية الرياضة المصرية، اللي على مدار تاريخها مبنية على دعم مطلق لنادٍ واحد، في حين مفيش نادي في مصر بياخد حتى ربع الدعم ده! وفي الآخر مطلوب منك تنافس، بل وأحيانًا بيحصل وبتدوس عليه بأقل الإمكانيات!

إحنا ما عندناش مشكلة في دعمه، لكن خليه بالمثل للجميع، وساعتها شوف المنافسة هتبقى عاملة إزاي، وهو كنادٍ مكانته هتكون فين! لكن ده مستحيل يحصل… وإحنا كلنا عارفين ليه!”