أنا زيّ ما أنا….بقلم سعيد العربي

أنا زيّ ما أنا ما اتغيرتش والناس حواليّا اتبدّلوا
كنت فاكرهم سكني وأماني طلعوا أول ناس يرحلوا
كل ما أقول ده سندي وضهر ألاقيه أول مَن يهملوا
ولما الوقت يسأل عني. يدوّروا مين يشغلوا
بس ما بكبرشي في الحكايات. ولا بحكي وجعي عَلي المدى
أنا قلبي حافظ ناس كتير. بس اختار اللي معاه المدى
اتعلمت إن الطيبة سلاح. بس مع ناس تستاهلها
وإن اللي يبيعك من الغفلة. لازم تسيبه بجهله
أنا زيّ ما أنا، ماشي بكلمة. ضميري دايمًا دليلي
ما ببعشي ولا بتجمّل والحقّ دايمًا في سبيلي
أنا الليّ كبرت في السكوت واتربيت عَلي العشم الجميل
بس خلاص.. دلوقتي عرفت. مين اللي أصله أصيل
أنا مش ضعيف، بسّ حسّاس. بفرح للحب الحقيقي
والليّ يضحك في وشي ويغدر. ده ما يسواش دقيقة في طريقي
مشيت لحالي من زمان. بعد ما ضيّعت كتير
بس ما ندمتش عَلي المعروف. ده الأصل ما بيغيبش كتير
أنا الليّ واجهت المواجع. بصبر وشوق ومسالمة
ما كنتش بهرب من وجعي. كنت بضحك وقول دي سلّمة
أنا زيّ ما أنا. إنسان بسيط، بس الحكاية في مبدأي
اللي يحافظ على العِشرة معايا. أنا أعيش عمري على قدّه
والليّ يبيعني من أول فرصة. ربنا يسامحه ويهده كلمات وتأليف شاعرالبسطاء أبومحمدسعيدالعربي