لما كان الحق حق…..بقلم جمال الشيمي

لما كان الحق حق
واللى كان من غير ورق بيستحَق
كرّمه رب الجبل
بالأمانه كلّفه
وعزّزه
صوره من رب العباد
أحسن وزاد
بس إنسان البرك يرجع يسف
والشريط اللى انكسر أصبح تاريخ
واهو تور يلف
عمره مايقدر يكف
والسواقى فى الزمن ده بطلت
والنوارج خرّدوها للمواقد والدفا
مين يقول ان الوفا
تفضل تثبّت فى الزمن أو تمسكه
مين يقول
مستحيل القوه تحكم فى العقول
مين يقول ان الحياه ممكن تكون
كلمه مرهونه برفضك ،
للسكون ..