كتاب وشعراء
ازرعوا الاخلاق…..بقلم محمود يونس
ازرعوا الاخلاق
فى الطفل الصغير
لما يكبر
تكبر الأخلاق معاه
علموه انها
تبقى منهج للحياه
علموه
يعنى ايه الكلمه سيف
يعنى ايه انسان شريف
علموه
يعنى ايه احساس سعاده
لما ينصر الضعيف
علموه معنى الرجوله
وانها مش بس صوت
والثبات وقت الغضب
ويعنى ايه فن السكوت
وانها
مش فى قعدة القهاوى
او فى شيله للمطاوى
او فى انه يبان قوى
علموه
يعنى ايه انسان سوى
علموه
يعنى ايه كلمة ضمير
وانه يقدر ف الحياة
يرسم لنفسه خط سير
علموه
انه مايبقاش انانى
وان لو جه يوم يعانى
يفتكر كل اللى عانى
علموه
ان كل روح امانه
علموه
يعنى ايه الالتزام
وانه مش مظهر وبس
علموه ازاى يحس
يعنى ايه كلمة نظام
علموه فن الكلام
يعنى ايه كلمة رحيم
يعنى ايه شيطان رجيم
علموه ازاي يكون
رغم ضعفه مستقيم
