من هنالآخرحكاية…..بقلم مصباح_المهدي

القصيدة بجد كانت
ست قبل ما تبقى صورة
ست لا استعارات طالتها
لاولاشعر الضرورة
ست نبع لكل فتنة
ست موسم للتجلّي
كلفتنا نلم بيتنا
ونمشي بيه مشي الرعاة
من هنا لٱخر الحياة
اللي كدبوا واللي باعو
واللي غشوا الدم في مصنع نخاعو
كلهم سرطان توزع
ع البرايا
من هنا لأخرحكاية.
..دمي سال
قلبي داخل من ضجيج سهد لسجال
قلبي داخل مرحلة
مافيهاش هزار
راسي دار في الحانة
راس الكل دار
(حب إيه) مابقاش يداوي
الجرح حب
قلبي طب في كفة كيلوجرام
باعوه
يااللي كنتي شهرزاد
خسيتي شهر
كنتي زهر بقيتي قهر
كنتي وردة بقيتي شوك
( يوم ماقالوا/ قال/ وقلنا)
بدلت أمانينا خيبة
والكلام الحلو بينّا شكوك
وريبة
كدب عابر للمحيطات التلاتة
باليارنيووم المخصّب
بالبيولوجي
جي قاصد قلبي بس
كدب آخرحاجة مطبوخ بامتياز
سمّى نفسه الوحش باز
سمّى نفسه الباز فراشة
والوشوش الباشّة قشرة
تحتها براكين بتغلي
كنت فين ياقلبي مخلي
دقّوا رايات احتلالهم
فوق جزر\وديان \ ودلتا
قلبي كان بيت للحيارى المتعبين
دخلوه بخيلهم
حط ليلهم ع النهار
مابقاش نهار
برطعوا في القلب داسوا
ورد كان في الصوت قرار
كدبواحتى صدقوا الكدب وأعادوا
تاني تمثيل الجريمة
قلبي أمة يتيمة ثكلى
افتكرها المجرمين ع السفرة أكلة
حقنوا توم بالخل بالشطة الوريد
كتفوا الإيد واستباحوا الدم خمرة
لماجيت أصرخ لاموني
صرت أناا لمجني عليه
جاني وخدوني
للمحاكمة
(الهوى العطشان) في قلبي
عذبوني وعذبوه
كل ماالقى نجم هادي يغيّبوه
قلت عاشق قالوا لالا
زي ماتكون استحالة
إني ألقى شط ٱمن
قلت ٱخد جنب وابكي
قال واباع
يعني لا ادوني شراع
ولافرصة أغرق
(مين ياناس يحكم مابين
قلبي وبينه)
الحبيب اللي في يقينه الحب
كفر
كلما اكتب له قصيدة
يقول لي كفر
والعذاب كاتب كتابه
عليّا من أول ماشفته
الحبيب اللي وصفته
بأنه روحي
كل يوم طالعانة روحي
فيه مناهدة