قصيدة الكمامه.. بقلم إسلام وهبة

لقيت ناس لابسين كمّامات… قولت يا جماعة فين زمان؟
هوّ كورونا رجع تاني؟ ولا إحنا رجّعنا للعوجان؟

مشيت شوية لقيت اتنين… واقفين بيتهامسوا بارتباك وحنان،
واحد بيقول لواحده : “إلبسى… الجو فيه ميكروب مش مضمون وخلينا في الأمان!”

سألت واحد تالت: “يا عم هوّ المرض ده له عنوان؟”
قالي: “ولا أعرف ولا شُفت… بس الوقاية خير من الندم والخسران!”

قلت طب ألبس ولا أسيب؟ قلبي قاللي “فنان ”…
إلبس يمكن الدنيا رجعت… ولا حدّ فيهم فاهم بيان!

دخلت المترو لقيت منظر… نص الناس ملتزمين بالإعلان،
والنص التاني لافف الكمامة… كأنها إشارب زى اللى بيلبسوه في رمضان!

قمت لابسها وأنا بضحك… وشكلي عامل زي الغلبان،
واقف تايه بين كورونا… ولا كتمة جو زى زمان!

وقلت يا رب لو رجعت فعلاً… ابعتلنا حدّ يشرح بالبرهان،
إحنا آخرنا نسأل بعض… ونجري ورا الشائعات في كل مكان!