مدينة الجرزان…..بقلم خالد أحمد

مدينة الجرزان مليانه بالفيران
نلقيهم فى كل مكان
فى الشارع وفى الدكان
وفى بيت عم ريحان
وفى الغيط وفى البستان
أعدين بدون سجان
كأنهم فى لومان
تمشى فى كل مكان
اعدين عملين كرفان
بقو أصحاب ألبلد واللى فيها كمان
وأدينا نحكى حكايه لصاحبنا الغلبان
طلعت عليه فاره من غير اى أماره
وبدون عنوان
وطار عليها وقال أنا حاقتلك فى الحال
راحت عضته عضه ماكنتش فى الحسبان
وأخينا أهمل قدمه وقال بكره تزول
راحت قدمه أحمرت وأتلونت الوان
وصحبنا جاب المال ليصرفه فى الحال
على عضه كانت ورمه
وقالوا دى بكره تزول
وهو قدم العرفان
لمعشر الفيران
أن مس منهم حد
هايرجع زى زمان
وكمان عندنا حكومه
ندهونا وقالوا ماتجونا
ويلا أنتخبونا ده أحنا
أصل العرفان
ولو نجحنا فى يوم
مش هاتلاقو فيران
فى مدينة الجرزان
وأدينا خدنا صابونه
ماهى أصلها طابونه
عصرو عليها ليمونه
عشان تنسيك فى الحال
دى مدينة الجرزان
مليانه بالفيران